Navapołackaha moładzievaha aktyvista Andreja Hajdukova, jakoha vinavaciać u «zdradzie dziaržavie», buduć sudzić u Viciebskim abłasnym sudzie. Tudy ŭžo pieradali materyjały spravy, paviedamiła jaho maci Volha Hajdukova.
Datu suda jana pakul nie viedaje, ale miarkuje, što heta adbudziecca ŭ červieni. Spadarynia Hajdukova choča, kab praces pa spravie syna byŭ adkryty.
Jana raspaviała, što 24 maja ŭ Minsku ŭ SIZA z Andrejem mieŭ sustreču advakat. Ale mahčyma, što jaho ŭžo etapavali ŭ Viciebsk. Jon pačuvajecca dobra i trymajecca narmalna.Jaho ŭtrymlivajuć pad vartaj, i hety termin praciahnuty da 17 červienia.
Volzie Hajdukovaj tak i nie dazvolili sustrecca z synam. Jana spadziajecca, što hety dazvoł možna budzie atrymać u sudździ.
«Chočacca zaviaršeńnia hetaj trahikamiedyi. Stamilisia ŭsie: i jon, i my sami. Bolš za paŭhoda ŭsio ciahniecca», — kaža žančyna.
0
0
0
0
0
0