3-ha červienia na siadzibie BNF u Miensku adbudziecca prezentacyja knihi-raśśledavańnia «Chto ŭzarvaŭ mienskaje metro?», aŭtar jakoj — žurnalist Radyjo Svaboda Aleh Hruździłovič.
Kniha napisanaja pa śladach sudovaha pracesu nad Dźmitryjem Kanavałavym i Ŭładzisłavam Kavalovym, abvinavačanymi ŭ terakcie ŭ mienskim metro 11 krasavika 2011 hodu, kali zahinuli 15 čałaviek.
U repartažy z sudovaj zali — hałasy padsudnych i paciarpiełych, arhumenty abvinavačvańnia i abarony, vysnovy ekspertaŭ, reakcyja hramadztva. Aŭtar taksama daje asabistuju acenku pabačanamu i pačutamu.
Taksama 3 červienia žurnalisty praviaduć kruhły stoł pad nazvaj «Maŭčańnie pra „hučnyja pracesy“: palityka ŭładaŭ ci słabaść žurnalistaŭ?»
8 traŭnia Aleh Hruździłovič atrymaŭ ad Hienprakuratury papiaredžańnie, jakoje tyčycca artykuła i knihi «Chto ŭzarvaŭ mienskaje metro?». U papiaredžańni havorycca, što ŭ knizie «stavicca pad sumnieŭ abjektyŭnaść aficyjnych vynikaŭ raśśledavańnia kryminalnaj spravy pa fakcie vybuchu ŭ mienskim metrapalitenie, a taksama spraviadlivaść biełaruskaj sudovaj systemy ŭ cełym».
Aleh Hruździłovič tak prakamentavaŭ vyniesienaje jamu papiaredžańnie: «Hetaj uładzie niepatrebnyja ludzi, jakija buduć niešta praviarać i sumniavacca. U krainie, dzie nielha sumniavacca, žurnalisty nie patrebnyja».
