«Jeŭrabačańnie» ŭ 2013 h. vyjhrała Emili de Forest z Danii

«Jeŭrabačańnie» ŭ 2013 h. vyjhrała Emili de Forest z Danii

Arhanizatary muzyčnaha konkursu «Jeŭrabačańnie» nie majuć namier pravodzić dadatkovuju pravierku i pierahladać vyniki hałasavańnia, jakoje pravodziłasia pa vynikach finału 2013 hoda ŭ šviedskim Malmio.

U Azierbajdžanie zajavili raniej pra nievytłumačalnaje «źniknieńnie» hałasoŭ, addadzienych hledačami hetaj krainy rasijskaj udzielnicy Dzinie Harypavaj.

Pry finalnym padliku hałasoŭ Rasija nie atrymała ad Azierbajdžana nivodnaha bała. U Baku zapeŭnivajuć, što hałasy za rasijskuju ŭdzielnicu byli pryniatyja, i pa vynikach SMS-hałasavańnia Harypava atrymała druhoje miesca.

Rasija, u svaju čarhu, prysudziła vykanaŭcu ad Azierbajdžana Farydu Mamiedavu, jaki staŭ pa vynikach hałasavańnia trecim, najvyšejšuju adznaku — 12 bałaŭ.

Vyniki SMS-hałasavańnia składajuć 50% vynikovych adznak ŭdzielnikam konkursu ad kožnaj krainy (ad 1 da 12 bałaŭ), losu astatnich 50% vyrašaje prafiesijnaje žury ŭ kožnaj z krain-udzielnic «Jeŭrabačańnia».

Pieramožcam «Jeŭrabačańnia-2013» stała śpiavačka z Danii Emili de Forest ź pieśniaj «Only Teardrops» («Tolki ślozy»), jakaja nabrała 281 bał.

Napiaredadni ministr zamiežnych spraŭ Rasii Siarhiej Łaŭroŭ zajaviŭ, što Maskva i Baku skaardynujuć dziejańni, kab aburalnaja, pavodle jaho słoŭ, akcyja nie zastałasia biez adkazu.

U čas sustrečy z Łaŭrovym kiraŭnik MZS Azierbajdžana Elmar Mamiedźjaraŭ pryvioŭ dadzienyja troch miascovych apierataraŭ mabilnaj suviazi, zhodna ź jakim Rasija zajmała druhoje paśla Ukrainy miesca pa vynikach hałasavańnia.

U adkaz na prośbu Azierbajdžanskaj słužby Bi-bi-si prakamientavać situacyju pradstaŭnik konkursu «Jeŭrabačańnie» zaŭvažyŭ, što parušeńniaŭ u padliku hałasoŭ nie było.

Arhanizatary «Jeŭrabačańnia» ŭ svajoj zajavie padkreślili, što vystupajuć suprać lubych formaŭ palityčnaha cisku na členaŭ prafiesijnaha žury, jakija mahli b parušyć pryncyp niezaležnaści hałasavańnia.

«My ŭpeŭnieny ŭ tym, što apalityčny duch konkursu pieśni źjaŭlajecca narožnym kamieniem pośpiechu, jaki spadarožničaje jamu, i my zrobim usio, što ad nas zaležyć, kab zachavać jaho», — paabiacaŭ supiervajzier «Jeŭrabačańnia» Jon Oła Sand.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?