U svaje 90-hadoŭ Sofja Piatroŭna — badzioraja žančyna, jakaja sama robić usie paŭsiadzionnyja spravy i nie hublaje aptymizmu. Sofja Piatroŭna — vieteran Vialikaj Ajčynnaj. Amal usiu vajnu jana prasłužyła dyśpietčaram u avijadyvizii, udzielničała ŭ vyzvaleńni Biełarusi i pałovy Jeŭropy, dajšła da Bierlina.

Zaraz Sofja Piatroŭna chodzić u kramu, uzłazić na drabinki, kab ukrucić lampački, — i dahladaje 60-hadovahasyna-invalida, u jakoha byŭ insult. Žančyna spraŭlajecca z usimi kłopatami, nikoha nie prosić ab dapamozie i pazityŭna hladzić na žyćcio.

Adnak u historyi hetaj mocnaj žančyny adbyŭsia niečakany pavarot. Litaralna napiaredadni 9 Maja, pakul my pracavali nad videa, Sofja Piatroŭna atrymała pozvu ŭ sud.
Sprava u tym, što jašče adzin jaje syn patrabuje vysialić brata z kvatery i namahajecca stać apiekunom maci — na toj padstavie, što joj užo 90 hadoŭ.

Siarod inšych arhumientaŭ syna — toje, što nibyta chvory brat turbuje susiedziaŭ, što ŭ kvatery Sofji Piatroŭny antysanitaryja. Ale ž susiedzi nikoli nie skardzilisia (adna ź ich pry nas prychodziła da Sofji Piatroŭny vykazać svaju padtrymku ŭ hetaj situacyi), a doma ŭ žančyny idealny paradak.

Situacyja ŭskładniajecca tym, što 9 hadoŭ tamu Sofja Piatroŭna padpisała darčuju, pavodle jakoj uładalnikam kvatery ličycca syn, jaki zaraz i vyklikaje maci ŭ sud. My płanujem źviazacca ź im bližejšym časam i budziem sačyć za raźvićciom historyi. Sud adbudziecca 17 maja.

Bolš za ŭsio Sofja Piatroŭna baicca, što paśla suda chvory syn moža trapić u psichanieŭrałahičny dyspansier. «Jon tolki pačaŭ papraŭlacca, chto budzie dahladać jaho, kali nie ja? Dy i dla mianie jon — stymuł žyć dalej. Kali jaho nie budzie, ja chutka zhasnu,« — kaža Sofja Piatroŭna.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?