Prajektam ukaza «Ab niekatorych pytańniach arhanizacyi pieravozak pasažyraŭ aŭtamabilami-taksi», padrychtavanym Ministerstvam transpartu i kamunikacyj, prapanoŭvajecca admianić licenzavańnie ŭ śfiery pieravozak pasažyraŭ aŭtamabilami-taksi z uviadzieńniem dopusku da hetych pieravozak na ŭzroŭni miascovych vykanaŭčych i rasparadčych orhanaŭ, zychodziačy z funkcyj pa arhanizacyi nazvanych pieravozak.
Jak paviedamlaje pres-słužba Mintransa, dopusk prapanoŭvajecca ažyćciaŭlać šlacham vydačy karty dopusku na prava vykanańnia pieravozak pasažyraŭ aŭtamabilami-taksi na kožny transpartny srodak, jaki vykarystoŭvajecca ŭ jakaści aŭtamabila-taksi, u paradku, ustanoŭlenym Savietam ministraŭ. Prapanavanaja karta dopusku na kožny transpartny srodak zamienić śpiecyjalny dazvoł (licenziju) na pieravozki pasažyraŭ dla taksi i raniej dziejnuju licenzijnuju kartku. «Pry hetym u vypadku vykarystańnia va ŭstanoŭlenym paradku aŭtamabilnym pieravozčykam niekalkich transpartnych srodkaŭ, vyjaŭleńnie parušeńniaŭ pa adnym aŭtamabilu-taksi i niadopusk hetaha aŭtamabila da vykanańnia pieravozak (šlacham spynieńnia dziejańnia karty dopusku) nie paciahnie spynieńnia ŭ cełym dziejnaści aŭtamabilnaha pieravozčyka», — rastłumačyli ŭ pres-słužbie.
Pavodle źviestak Mintransa, u Biełarusi na rynku pasłuh taksi zadziejničana pryblizna 16 tys. lehkavych aŭtamabilaŭ, bolš jak 60% ź ich majuć termin ekspłuatacyi zvyš vaśmi hadoŭ.
Zhodna z vynikami dziaržtechahladu lehkavych aŭtamabilaŭ u 2012 hodzie, pry pieršym ahladzie aŭtamabilaŭ terminam ekspłuatacyi zvyš 10 hadoŭ pryblizna 20% nie adpaviadali patrabavańniam techničnych narmatyŭnych pravavych aktaŭ.
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
