U 14:40 Valancina Ciurava pravodziła svajho chłopca Uładziu Jaromienka ŭ aporny punkt milicyi Pieršamajskaha rajonu. Tam joj paviedamili, što chłopca zaviazuć u turmu na Akreścina.
Valancina Ciurava atrymała pastanovu sudu, jaki adbyŭsia 18 krasavika biez udziełu Jaromienka. Sud pakaraŭ chłopca 15 sutkami aryštu — nibyta za parušeńnie ŭmovaŭ prafilaktyčnaha nahladu.
Pavodle Pieršamajskaha sudu, Uładź Jaromienak nie znachodziŭsia ŭ siabie doma ŭ niejki pramiežak času z 21 hadziny viečara da 6 hadziny ranicy 24 lutaha 2013 hodu.
Spravu razhladaŭ sudździa Jury Harbatoŭski.
Uładź Jaromienak pajšoŭ u aporny punkt całkam padrychtavany da turmy. «Ja sabrała dla jaho vopratku, bializnu, sok, cyharety, hihijeničnyja srodki, karaciej, usio, što možna ŭziać na Akreścina. Zaraz budziem adličvać 15 dzion», — skazała Valancina Ciurava Svabodzie.
