Staršynia Jeŭrakamisii Žaze Manuel Barozu ŭ sieradu pryniaŭ u Bruseli ŭrad Litvy i paabiacaŭ dapamahčy Litvie ŭ jaje imknieńni pierajści na jeŭra ŭ 2015 h.
«Ja pavinšavaŭ premjera ź imknieńniem Litvy dałučycca da jeŭrazony ŭ 2015 h. i paabiacaŭ naša ciesnaje supracoŭnictva ŭ dasiahnieńni hetaj mety», — skazaŭ Barozu paśla sustrečy z premjeram Alhirdasam Butkiavičusam.
Na sumiesnaj pres-kanfierencyi kiraŭnik JEK taksama padkreśliŭ, što fiskalnaja kansalidacyja źjaŭlajecca nieabchodnaj umovaj dasiahnieńnia rostu ekanomiki.
«My damovilisia, što fiskalnaja kansalidacyja i strukturnyja reformy źjaŭlajucca nieabchodnym umovaj ŭstojlivaha rostu i stvareńnia pracoŭnych miescaŭ», — skazaŭ Barozu.
Kab ustupić u jeŭrazonu, dziaržava — člen Jeŭrasajuza (ES) pavinna adpaviadać tak zvanym Maastrychckim kryteram — u halinie deficytu dziaržaŭnych finansaŭ, inflacyi i pazykaŭ.Litvie z-za nadta vysokaj inflacyi (u 2012 h. — 2,6%) nie atrymałasia ŭvieści jeŭra ŭ 2007 h. Analityki kažuć, što hety pakazčyk pradstaŭlaje samuju vialikuju pahrozu i dla dasiahnieńnia hetaj mety ŭ 2015 h.
Susiedniaja Łatvija źbirajecca pierajści na jeŭra z nastupnaha hoda.
0
0
0
0
0
0
