Ratavalniki adnavili dambu kala vioski Mardvin (Pietrykaŭski rajon Homielskaj vobłaści), jakaja była prarvanaja 18 krasavika ŭ vyniku padjomu ŭzroŭniu vady ŭ Prypiaci.
U minułyja sutki likvidacyjaj nastupstvaŭ praryvu damby zajmalisia 57 čałaviek i 40 adzinak techniki roznych ministerstvaŭ i viedamstvaŭ.
Pieršapačatkova šyrynia praryvu składała 20 mietraŭ pry ahulnaj daŭžyni pabudovy 4,3 km. Zatym jana pavialičyłasia da 36 mietraŭ. Usiaho z pačatku adnaŭlenčych rabot było vykarystana 5.653 miaški ź piaskom, 3.254 kubamietry piasku i 855 ton druzu. Zaraz praciahvajucca raboty pa ŭmacavańni damby.