Pra heta premjer-ministr Polščy Donald Tusk zajaviŭ na pres-kanfierencyi ŭ Varšavie ŭ aŭtorak.
«Kali zamožny rasijski inviestar pryjdzie ŭ Polšču i zachoča inviestavać u krainu, my budziem rady jamu, jak i inviestaru ź luboj inšaj krainy, choć i ź niekatorymi ŭmovami, — cytuje Tuska ahienctva Bloomberg. — Adnak kali jon zachoča kupić PKN Orlen [naftapierapracoŭčy zavod u Płocku], Hdański naftapierapracoŭčy zavod abo PGNiG [anałah «Biełtranshaza» i «Biełnaftachima»], jon nie zmoža ich kupić».
Premjer taksama raskazaŭ, što były prezident Polščy Alaksandr Kvaśnieŭski łabiravaŭ prodaž rasijskaj kampanii «Akron» zavoda pa vytvorčaści azotnych uhnajeńniaŭ u Tarnavie. Heta anałah biełaruskaha «Hrodna Azota», adnak Tusk patłumačyŭ jamu, što heta «piarečyła b našym nacyjanalnym intaresam».
Na siońnia «Hazpram» dabiŭsia kantrolu nad hazapravodnaj sietkaj tolki ŭ Biełarusi, Małdovie i Armienii. Krainy Jeŭrasajuza nie dapuskajuć hetaha ź mierkavańniaŭ stratehičnaj biaśpieki.
