Pad Baranavičami moža źjavicca baza rasijskich Su-30. Ilustracyjnaje fota.
«Tam jość nie tolki aeradrom, ale i 558-y avijaramontny zavod — pry nieabchodnaści tam možna budzie ažyćciaŭlać usie vidy ramontu, tym bolš mahutnaści zavoda heta dazvalajuć, — kaža krynica «Kommiersanta» u rasijskim vajskovym viedamstvie. — Akramia taho, u našych biełaruskich kalehaŭ u hetym rajonie razhornutaja vialikaja kolkaść sistem SPA, jakija buduć zdolnyja zabiaśpiečyć prykryćcio našym źniščalnikam».
Jon udakładniŭ, što havorka pojdzie pra samaloty typu Su-30.
Učora na sustrečy ministra abarony Rasii Siarhieja Šajhu i Alaksandra Łukašenki było ŭpieršnyju publična zajaŭlena pra stvareńnie ŭ Biełarusi rasijskaj avijacyjnaj bazy z samalotami-źniščalnikami.
«My pačynajem razhladać płan pa stvareńni tut rasijskaj avijacyjnaj bazy z samalotami-źniščalnikami, spadziajemsia, što ŭ 2015 hodzie tut źjavicca avijacyjny połk. U 2013 hodzie my stvorym avijacyjnuju kamiendaturu tut i pastavim pieršaje dziažurnaje źviano bajavych źniščalnikaŭ», — skazaŭ Šajhu.
Taksama Maskva maje pastavić Minsku ŭ 2013 hodzie jašče 4 dyvizijony zienitna-rakietnych sistem S-300.
