Fota odsgomel.org.
Učora ŭ Homieli stała na adzin biełaruskamoŭny biłbord bolej. I heta nie sacyjalnaja rekłama — biłbord z nadpisam «Pry zvarocie na biełaruskaj movie — źnižka 10%» naležyć pryvatnaj kampanii «Słavija».
«Słavija» — bujnoje pradpryjemstva ŭ Homielskaj vobłaści. My zajmajemsia budoŭlaj, prodažam juvielirnych upryhožvańniaŭ, ale dadzieny biłbord adnosicca da jašče adnoj haliny byznesu — vyrabnictvu korpusnaj mebli», — paviedamiŭ «NN» menedžar «Słavii» Viktar Savič.
«Učora my paviesili adzin piłotny biłbord. I ludzi ŭžo źviartalisia da nas pa-biełarusku. Kali prajekt budzie paśpiachovym, my, mabyć pašyrym kampaniju i na juvielirnyja sałony».
Ideja davać źnižki za zvarot pa-biełarusku naležyć žycharu Homiela Piatru Fiłonu.
«My z maim siabram Viktaram abmiarkoŭvali hetuju ideju. Ja taksama zajmajusia pryvatnym biznesam — pradaju sistemy dla ačystki vady. Adnak majo pradpryjemstva nievialikaje, i hetaja ideja nie pasavała mnie. Tamu ja addaŭ jaje Viktaru dla realizacyi ŭ kampanii «Słavija», — raskazaŭ Fiłon.
