U SŠ № 34 21 krasavika prajšoŭ čempijanat Viciebskaj vobłaści pa bodzibiłdynhu i bodzifitnesie, u jakim pryniali ŭdzieł 11 spartsmienaŭ — 8 mužčyn i 3 dziaŭčyny, piša sajt «Narodnyja naviny Viciebska».
Spabornictvy prachodzili ŭ troch katehoryjach: junaki i junijory (da 23) hadoŭ, mužčyny i žanočy bodzifitnes. U abaviazkovaj prahramie pa bodzibiłdynhu spartsmienam treba było prademanstravać siem poz: dvajny biceps śpieradu i zzadu, najšyrejšyja myšcy śpiny śpieradu i zzadu, biceps zboku, tryceps zboku i pres, ściahno. A ŭ advolnaj prahramie jany pad muzyku demanstravali mahčymaści svaich ciełaŭ. Dziaŭčaty vychodzili dva razy — u čornym i kalarovym kupalniku, im treba było tolki hracyjozna prademanstravać žury siabie z čatyroch bakoŭ.
U katehoryi junaki i junijory pieramohu atrymaŭ Alaksandr Laško, druhim staŭ Andrej Panamaroŭ, a bronza va Uładzisłava Tatyrža.
Siarod mužčyn lepšym bodzibiłderam pryznany Anton Dziarzievič, na druhoj prystupcy pjedestała Alaksandr Laško, na treciaj — Aleh Rubin.
U dziaŭčat pieramahła Kaciaryna Miadźviedzieva, siarebrany miedal u Viktoryi Danič, a Julija Mikulič stała treciaj.
