Samaj bahataj siamjoj u Rasii ŭ 2013 hodzie pryznanyja Huceryjevy, sumarnaja majomaść jakich aceńvajecca ŭ 6,22 młrd dalaraŭ.

Rejtynh samych bahatych siemjaŭ skłaŭ časopis CEO, škała apublikavana na sajcie vydańnia, paviedamlaje lenta.ru

Za minuły hod prybytki Huceryjeva vyraśli na 420 miljonaŭ dalaraŭ. Ich asnoŭnymi aktyvami źjaŭlajucca «Ruśśniefť», jakoj kiruje stvaralnik kampanii Michaił Huceryjeŭ i Binbank, jaki ŭznačalvaje Mikaił Šyšchanaŭ.

Taksama da siamji biźniesmienaŭ vydańnie zaličyła byłoha deputata Dziarždumy Saita-Sałama Huceryjeva i prezidenta małdaŭskaha futbolnaha kłuba «Dačyja» Adłana Šyšchanava. Šyšchanavy źjaŭlajucca stryječnymi svajakami Huceryjeva.

Druhoje miesca ŭ rejtynhu dastałasia bratam Arkadziu i Barysu Ratenbierham, majomaść jakich skłała 5,8 młrd dalaraŭ. Za hod kapitał siamji vyras na 2,3 miljarda. Treciaje miesca zaniali braty Daniła i Siarhiej Chačaturavy, jakim naležać «Roshosstrach» i RHS-bank. Ich kapitał vydańnie acaniła ŭ 5,7 miljarda dalaraŭ.

Nahadajem, što ŭ kastryčniku 2012 h. Alaksandr Łukašenka na sustrečy z pradstaŭnikami rasijskich rehijanalnych ŚMI zajaviŭ, što maskoŭskija aliharchi prapanoŭvali praz «adnaho Mišu» 5 miljardaŭ dalaraŭ za prodaž kampanii «Biełaruśkalij»

nižej za pryznačany raniej košt ($30—32 młrd). Łukašenka taksama paviedamiŭ, što na adzin sa svaich dzion naradžeńnia atrymaŭ ad rasijanina ŭ padarunak aŭtamabil «Majbach».

U presie źjavilisia asacyjacyi, što pad zamožnym rasijskim «siabram Mišam» chavajecca pradprymalnik Michaił Huceryjeŭ.

Adnak u «Ruśśniefti» tady abvierhli infarmacyju. «Heta niejkaja łuchta. Navošta pradprymalniku, jakomu biełaruski ŭrad davieryŭ realizacyju adnaho z najbujniejšych inviestycyjnych prajektaŭ, zajmacca takimi rečami, ryzykavać?» — skazaŭ pradstaŭnik «RussNiefti». Inšy mieniedžar z kampanii, padkantrolnaj Huceryjevu, nazvaŭ hetyja paviedamleńni «niejkim nieparazumieńniem», pry hetym paćvierdziŭ, što «ŭ ich (Huceryjeva i Łukašenki) dobryja adnosiny».

Miž Huceryjevym i biełaruskimi ŭładami ŭžo daŭno skłalisia tryvałyja družalubnyja adnosiny.

Huceryjeŭ praz padkantrolnuju jamu «RussNiefť» i jaje biełaruskuju «dačku» pastaŭlaje čornaje zołata na biełaruskija NPZ, a ŭ 2012 h. śpiecpradstaŭnikom kampanii ŭ Biełarusi staŭ eks-ministr zamiežnych spraŭ Siarhiej Martynaŭ.

U kastryčniku 2011 hoda padkantrolnaja Huceryjevu kampanija GCM Global Energy Plc padpisała pahadnieńnie z uradam Biełarusi ab budaŭnictvie horna-abahačalnaha kompleksu pa vytvorčaści kalijnych uhnajeńniaŭ z abjomam inviestycyj nie mienš za 1,5 młrd dalaraŭ i prajektnaj mahutnaściu nie mienš jak 1,1 młn ton chłorystaha kaliju ŭ hod. Budaŭnictva šachty płanavałasia pačać u sakaviku 2013 hoda, ŭkładańni mohuć dasiahnuć 1,8—2 młrd dalaraŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?