Jak i tydzień tamu, siońniašni aŭtaprabieh startavaŭ apoŭdni na Śviatym voziery. Ad papiaredniaj akcyi jaho adroźnivała najaŭnaść supracoŭnikaŭ milicyi, jakija zdymali aŭtamabili i vadzicielaŭ na videa.
Hetym razam udzielniki prabiehu admovilisia ad nadpisaŭ nakštałt «Ja płaču padatki, dzie narmalnyja darohi?» i «Za dobryja darohi!», jakija 14 krasavika byli naniesieny akvarelnaj farbaj na aŭtamabili i napisany na ŭlotkach, prymacavanych da škła mašyn.Niekatoryja ŭdzielniki akcyi vykarystoŭvali ściažki aŭtakłuba 6 Region, vystaviŭšy ich na dachach i bakavych stojkach aŭtamabilaŭ.
Padčas aŭtaprabiehu vadzicieli padzialilisia na niekalki hrup, kožnaja ź jakich vybirała svoj maršrut. Vyjechaŭšy na Puškinski praśpiekt, udzielniki akcyi pierasiekli Dniepr i, padniaŭšysia da płoščy Ardžanikidze, pradoŭžyli ruch pa vulicach Pijanierskaj i Karła Marksa. Uvieś čas ich supravadžali patrulnyja mašyny DAI, jakija, jak śviedčać aŭtamabilisty, navat parušali praviły darožnaha ruchu — jechali na čyrvonaje śviatło i vyjazdžali na sustrečnuju pałasu ruchu.
Pavodle najaŭnaj infarmacyi, niekalki vadzicielaŭ byli spynieny: niekatorym ź ich pradjavili abvinavačańni ŭ parušeńni pravił darožnaha ruchu.
Kančatkovym punktam aŭtaprabiehu stała placoŭka kala spartyŭnaha kompleksu «Alimpijec». Tam udzielniki akcyi praviali nievialiki fłešmob: u prymacavanuju na lichtarnym słupie skrynku jany kidali drobnyja kupiury na ramont darožnaha pakryćcia ŭ Mahilovie.
Niahledziačy na niervovuju reakcyju milicyi, aŭtamabilisty płanujuć i nadalej pravodzić takija akcyi, damahajučysia dobraŭparadkavańnia darožnaha pakryćcia ŭ Mahilovie.
U Mahiloŭskim harvykankamie paviedamili, što z pačatku hetaha hoda ŭ horadzie vykanany biahučy ramont 10,73 mietra kvadratnaha asfaltabietonnaha pakryćcia vulic. U pryvatnaści, z 15 pa 19 krasavika raboty pravodzilisia pa vulicach Pieršamajskaj, Leninskaj, Pijanierskaj, Karalova, Kałužskaj, Turava, Kasmanaŭtaŭ, Jakuboŭskaha, Kryvulina, Hryšyna, Bialinskaha, Maŭčanskaha, Haharyna, Simanava, praśpiektach Miru, Šmita, Dzimitrava, Puškinskim. U štodzionnych rabotach zadziejničana 17 ramontnych bryhad.
Miž tym, pavodle acenki śpiecyjalistaŭ Kamiteta dziaržkantrolu Mahiloŭskaj vobłaści, jakaja prahučała ŭ studzieni na kalehii hetaha viedamstva, ciapierašnija tempy vykanańnia
