21 krasavika kala 6.50 na praśpiekcie Lubimava na abjadnanaj terytoryi dźviuch škoł supracoŭniki ADAI Maskoŭskaha RUUS stalicy zatrymali pjanaha kiroŭcu, paviedamlaje auto.tut.by.
«21-hadovy małady čałaviek, kirujučy aŭtamabilem Audi 80, kataŭsia pa abjadnanaj terytoryi dźviuch škoł, raźmieščanych pa adrasie praśpiekt Lubimava, dom № 27 i № 31 (SŠ № 213 i № 208)», — paviedamiła kiraŭnik pres-słužby UDAI HUUS Minharvykankama Taćciana Charlinskaja.
Pra dziŭnaha kiroŭcu, jaki zajechaŭ na školnuju terytoryju, abjechaŭšy šłahbaŭm pa zialonaj zonie, u DAI paviedamili vidavočcy. Jany pryjechali na miesca praz 5 chvilin supracoŭniki Dziaržaŭtainśpiekcyi i spynili parušalnika. Patłumačyć, čamu jon kataŭsia kala škoły, kiroŭca nie zmoh: kali inśpiektary adčynili dźviery, jon litaralna vypaŭ z mašyny.
«Miedycynski ahlad pakazaŭ 2,56 pramile», — raskazali ŭ DAI.
Jak akazałasia, małady čałaviek nikoli nie atrymlivaŭ prava na kiravańnie aŭto. Dakumientaŭ na aŭtamabil ŭ jaho pry sabie nie było.
Paźniej, źlohku praćvierazieŭšy, jon rastłumačyŭ, što mašyna naležyć jaho siabru, ź jakim jany i raśpivali śpirtnoje. Małady biaspraŭnik taksama rastłumačyŭ, pa jakoj pryčynie jon zajechaŭ na terytoryju školnaha kompleksu: «Vyrašyŭ prakacicca».
«Pradpisańnie na ŭstanoŭku aharodžy vakoł školnaha kompleksu było vydadziena DAI jašče da Novaha hoda.Pavodle zahada, administracyja rajona i kiraŭnictva škoły pavinny ŭstalavać šłahbaŭm i aharadzić zialonuju zonu vakoł navučalnaj ustanovy da 1 červienia 2013 hoda, — padkreśliła Taćciana Charlinskaja. — Šłahbaŭm byŭ ustalavany, a aharodža vakoł zialonaj zony — nie.
Pa hetym fakcie pravodzicca pravierka. Parušalnik budzie pryciahnuty da adkaznaści pa ŭsioj strohaści zakona, paabiacali ŭ Dziaržaŭtainśpiekcyi. Aŭtamabil, na jakim jon zajechaŭ na školnuju terytoryju źmieščany na štrafstajanku, a ŭ dačynieńni da parušalnika składziena 5 pratakołaŭ.
