Dziaržaŭny kamitet pa navucy i technałohijach (DKNT) Biełarusi i Ministerstva adukacyi i navuki Łatvii pravodziać konkurs navukova-techničnych prajektaŭ na 2014—2015 hady.
Jak paviedamlaje pres-słužba DKNT, dakumienty na konkurs prymajucca da 15 červienia 2013 hoda.
Konkurs navukova-techničnych prajektaŭ pravodzicca ŭ adpaviednaści ź mižviedamasnym pahadnieńniem ab navukova-techničnym supracoŭnictvie, jakoje było padpisana 27 kastryčnika 2006 hoda.
U 2012—2013 hadach realizujecca čatyry biełaruska-łatvijskija prajekty, vykanaŭcami jakich źjaŭlajucca vosiem navukovych arhanizacyj, pa čatyry z kožnaha boku.
Tematyka prajektaŭ — raspracoŭka nanamateryjałaŭ z novymi ŭłaścivaściami, stvareńnie bijapreparataŭ dla sielskaj haspadarki, daśledavańnie ekałahičnych aśpiektaŭ transhraničnych rek i ŭdaskanaleńnie ekanomika-pravavych asnoŭ dvuchbakovaha supracoŭnictva ŭ śfiery efiektyŭnaha vykarystańnia minieralnaj syraviny.
Košt adnaho prajekta aceńvaŭsia ŭ siarednim u 15-20 tysiač jeŭra. Padtrymka biełaruskich vykanaŭcaŭ sumiesnych prajektaŭ ažyćciaŭlałasia praź Biełaruski respublikanski fond fundamientalnych daśledavańniaŭ.
Dla ŭdziełu ŭ konkursie nieabchodna padać u DKNT zajaŭku na ŭdzieł u sumiesnym prajekcie, a taksama kamplekt zajaŭničych form dla prajektaŭ prykładnoha ci fundamientalnaha charaktaru adpaviedna.
Paradak padačy i razhladu dakumientaŭ budzie ažyćciaŭlacca ŭ adpaviednaści z Pałažeńniem ab navukova-techničnych prajektach, vykananych u miežach mižnarodnych dahavoraŭ Biełarusi.
