Padazravanaha ŭ ździajśnieńni teraktu ŭ Bostanie Džachara Carnajeva zatrymali ŭ piatnicu ŭ 20:45 pavodle času ŭschodniaha ŭźbiarežža (04:45 pa Minsku).
Na siervisie youtube źjaviłasia videa zatrymańnia Carnajeva, jaki na momant apieracyi chavaŭsia ŭ adnoj z łodak.
Jak paviedamlaje Bi-Bi-Si, Carnajeŭ atrymaŭ ciažkija ranieńni ŭ šyju i nahu i ciapier znachodzicca pad uzbrojenaj achovaj u balnicy Beth Israel Medical Center ŭ Bostanie.
U toj samaj balnicy znachodzicca cieła jahonaha brata Tamierłana, jaki zahinuŭ u vyniku pierastrełki z palicyjaj.
Śledčyja čakajuć, kali zatrymany zmoža zahavaryć. Miedyki vykazvajuć zaściarohu, što z-za atrymanych ranaŭ jon moža i nie zahavaryć.
