Parłamient Italii pieraabraŭ dziejučaha prezidenta krainy Džordža Napalitana na druhi termin. 87-hadovamu Napalitana ŭdałosia nabrać bolšaść hałasoŭ parłamientaryjaŭ.
Takim čynam prezident Italii abrany z šostaha razu.
Raniej u subotu paśla taho, jak stała viadoma, što parłamient piaty raz nie zdoleŭ vybrać prezidenta, Napalitana pahadziŭsia znoŭ bałatavacca na hetuju pasadu.Da hetaha jon nieadnarazova kazaŭ, što nie stanie hetaha rabić.
***
Napalitana naradziŭsia 29 červienia 1925 h. u Nieapali. U junackija hady braŭ udzieł u Ruchu Supracivu. Adrazu paśla Druhoj suśvietnaj ustupiŭ u Kampartyju, u 1956 hodzie byŭ abrany ŭ jaje Nacyjanalny kamitet, dzie adkazvaŭ pieršapačatkova za prablemy Paŭdniovaj Italii, a ŭ 1970-1980-ja hady za kulturu, ekanamičnyja pytańni i mižnarodnyja spravy. Paśla raspadu IKP ustupiŭ u partyju Levych demakrataŭ.
Z 1953 hoda na praciahu bolš čym 40 hadoŭ pradstaŭlaŭ Nieapal u Pałacie deputataŭ, u 1992-1994 hadach byŭ jaje kiraŭnikom. U 1996-1998 hadach ministr unutranych spraŭ. Pažyćciovy sienatar z 2005 hoda.
Pieršy raz byŭ abrany prezidentam Italii ŭ 2005 h.