U Bresckim rajonie 18 krasavika pavodkavymi vodami padtopleny adzin žyły dom, 11 padvorkaŭ, 13 haspadarčych pabudoŭ u vioscy Pryłuki, a taksama try padvorki i adna haspadarčaja pabudova ŭ vioscy Volcha.

Jak paviedamiŭ pres-sakratar Bresckaha abłasnoha ŭpraŭleńnia MNS Siarhiej Mašnoŭ, u vioski Pryłuki dla akazańnia ŭ vypadku nieabchodnaści dapamohi nasielnictvu arhanizavana dziažurstva padraździaleńnia MNS z płaŭsrodkami.

Ad pačatku pavodki vada ŭ Zachodnim Buhu padniałasia na 3 mietry, i 17 krasavika jaje ŭzrovień dasiahnuŭ 499 sm (pry niebiaśpiečnym 350 sm). Pavodle źviestak hidrapostu Uładava, 18 krasavika ŭzrovień vady ŭ race pačaŭ źnižacca. 19 krasavika źnižeńnie pavinna pačacca i ŭ rajonie viosak pad Brestam.

Na 20 hadzin 18 krasavika padtoplenymi zastajucca 86 padvorkaŭ i 83 haspadarčyja pabudovy ŭ 18 nasielenych punktach Pinskaha rajona; adzin dom, šeść haspadarčych pabudoŭ, 114 padvorkaŭ u vaśmi nasielenych punktach Stolinskaha; dva žyłyja damy, 22 haspadarčych pabudovy, 35 padvorkaŭ u dvuch nasielenych punktach Łuninieckaha (adsielena try čałavieki).

U Bresckim rajonie, akramia Pryłukaŭ i Volchi, pavodka zakranuła viosku Niepli (30 haspadarčych pabudoŭ).

Vioska Pryłuki raniej mieściłasia na vysokim bierazie Buha. U 1939 i paŭtorna ŭ 1945 hadach jaje vysielili dalej ad raki ŭ suviazi z praviadzieńniem miažy Savieckaha Sajuza. Ciapier jana mieścicca kala čyhunki Brest-Uładava. Pavodki tryvožyli prybužskija ŭsie viaki, ale ich žychary ŭsio adno trymalisia ŭradlivych pryrečnych ziemlaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?