Biełaruski vajskovy samalot parušyŭ pavietranuju prastoru Litvy, u čaćvier u suviazi z hetym incydentam Biełarusi ŭručana nota, zajavili ŭ litoŭskim MZS.
Jak paviedamili ŭ MZS, u sieradu ŭ 13.05 było zafiksavana, što biełaruski vajskovy samalot MiH-29 parušyŭ dziaržaŭnuju miažu Litvy, uvarvaŭšysia ŭ pavietranuju prastoru Litvy nad vioskaj Paharanda Aranskaha rajonu.
«Nad terytoryjaj Litvy samalot prabyŭ kala dźviuch chvilin», — paviedamiŭ Departament infarmacyi i suviaziaŭ z hramadzkaściu MZS.
U nocie, jakaja ŭ čaćvier uručana ambasadaru Biełarusi ŭ Litvie, utrymlivajecca prośba «pradstavić usiebakovuju infarmacyju ab parušeńni pavietranaj prastory Litvy i zrabić zachady pa praduchileńni padobnych incydentaŭ u budučyni», cytuje MZS Litvy partał delfi.lt.