Jak paviedamlaje pres-słužba Minharvykankama, uličvajučy spryjalny prahnoz nadvorja, vyrašana zaviaršyć aciaplalny siezon dla ŭsich katehoryj spažyŭcoŭ, akramia dziciačych daškolnych ustanoŭ, škoł, lačebna-prafiłaktyčnych, miedycynskich, navučalnych ustanoŭ, ustanoŭ sacyjalnaha zabieśpiačeńnia, muziejaŭ, dziaržaŭnych archivaŭ i biblijatek.
Nahadajem, niekalki dzion tamu padača ciapła była spynienaja ŭ hramadskich, administracyjnych budynkach i pramysłovych pradpryjemstvach.
Zhodna z novymi praviłami, jakija dziejničajuć z 2013 hoda, aciapleńnie adklučajecca, kali siaredniesutačnaja tempieratura pavietra na praciahu troch dzion składaje nie nižej za plus 8 hradusaŭ (raniej — na praciahu piaci dzion).
Nahadajem, u 2012 hodzie aciapleńnie ŭ Minsku było adklučana 13 krasavika.
Jak raniej paviedamiŭ načalnik Minskaha haradskoha ŭpraŭleńnia pa nahladzie za racyjanalnym vykarystańniem paliŭna-enierhietyčnych resursaŭ Ihar Tur, kožnyja sutki ŭ Minsku raschodujecca na aciapleńnie 10-10,5 tony ŭmoŭnaha paliva. «Heta vialikija ličby», — zajaviŭ čynoŭnik, padkreśliŭšy, što ŭ situacyi, kali Biełaruś nie maje svaich enierharesursaŭ, ekanomija na adklučeńni aciapleńnia atrymlivajecca značnaj i zaŭvažnaj dla biudžetu horada.
