Kłasika ad "Motavieła".

Kłasika ad "Motavieła".

Viełasipiedy sistemy Vélib' u Paryžy. Źviarnicie ŭvahu na ravarovuju darožku. Fota ź Vikipiedyi.

Viełasipiedy sistemy Vélib' u Paryžy. Źviarnicie ŭvahu na ravarovuju darožku. Fota ź Vikipiedyi.

Haradskija rovary ŭ Vašynhtonie. Fota ź Vikipiedyi.

Haradskija rovary ŭ Vašynhtonie. Fota ź Vikipiedyi.

Stakholm. Fota ź Vikipiedyi.

Stakholm. Fota ź Vikipiedyi.

Sistema Veturilo pačała pracavać u Varšavie ŭ 2012 hodzie. Fota ź Vikipiedyi.

Sistema Veturilo pačała pracavać u Varšavie ŭ 2012 hodzie. Fota ź Vikipiedyi.

«Viełasipiednaja kampanija «MVZ» prezientavała prajekt sistemy prakatu haradskich viełasipiedaŭ City Aist. «Haradski Busieł» (anhłamoŭny brend u kampanii zastaŭsia z savieckaha času rusifikavany) mała čym adroźnivajecca ad tych, što siońnia vykarystoŭvajecca pa ŭsioj Jeŭropie: śpiecyjalny antyvandalny haradski viełasipied i baza, da jakoj jon prymacoŭvajecca. Apłaciŭšy peŭny čas karystańnia viełasipiedam — praz sms-paviedamleńnie ci z dapamohaj admysłovaj kartki — možna viarnuć jaho na lubuju inšuju volnuju bazu.

Siońnia u śviecie dziejničaje amal 400 sistem kalektyŭnaha karystańnia rovarami. Samaja vialikaja ź ich znachodzicca Kitai. U Paryžy dziejničaje najbujniejšaja haradskaja sistema Vélib', jakaja abjadnoŭvaje 1220 viełastancyj i kala 20 tysiačaŭ viełasipiedaŭ. Niadaŭna takaja sistema zapracavała ŭ Varšavie, rychtujecca da zapusku prahrama bajkšejrynhu ŭ Ńju-Jorku z 600 stancyj i 10 tysiačaŭ viełasipiedaŭ.

Prahramy viełašejrynhu zvyčajna raspracoŭvajuć municypalnyja ŭłady, kab palepšyć ekałohiju i zdaroŭje ludziej, a techničny bok pracesu zabiaśpiečvajuć pryvatnyja kampanii.

Jak paviedamili «Našaj Nivie» ŭ «Viełasipiednaj kampanii «MVZ», «kampanija raspracavała techničnaje abstalavańnie, jakoje moža nabyć kožny achvotny. Prajekt sistemy prakatu ŭ Minsku znachodzicca chutčej u stanie idei».

Adnak sistema municypalnych viełasipiedaŭ praduhledžvaje mahčymaść vykarystańnia viełasipieda ŭ jakaści paŭnavartasnaha transpartnaha srodka, a stancyi prakatu raźmieščany ŭ miescach vialikaha skupčańnia ludziej i złučajuć bujnyja transpartnyja centry. Pabačyć «bajkšejrynh» u dziejańni možna ŭ joŭrapiejskich haradach: tam «biełyja kaŭnieryki» u strojach jeduć na prakatnych viełasipiedach ad mietro da ofisaŭ, a babuli padvoziać pradukty z kramy dadomu.

U Minsku taki scenar vyhladaje mienš imaviernym. Kali stancyi ŭstalujuć u centry ci ŭzdoŭž adzinaj u horadzie viełatrasy, City Aist budzie prostym atrakcyjonam. Kali ž raźmiaščać stancyi jak treba — va ŭsim horadzie, kab, naprykład, žychary spalnych rajonaŭ mahli dajechać da mietro, paŭstaje adviečnaja prablema minskich viełaamataraŭ: amal poŭnaja adsutnaść infrastruktury.

Aktyvisty minskaha viełaruchu ŭchvalajuć inicyjatyvu «Busła», adnak nie vierać u mahčymaść jaje paŭnavartasnaj realizacyi na sučasnym etapie.

«Minsku brakuje adpaviednaj infrastruktury, ale popyt na pasłuhu budzie. Dobra, što niechta ryzyknuŭ zaniacca hetaj spravaj, i dobra, što heta mienavita „Busieł“ — jany vypuskajuć haradskija rovary, jakimi ŭ Minsku karystacca ciažka, i sistema prakatu haradskich viełasipiedaŭ vykryje ŭsie chiby», — raskazaŭ «NN» staršynia Minskaha rovarnaha tavarystva Anton Charužy.

«Taki prajekt — vahon napieradzie ciahnika. Infrastruktura za im nie toje što nie paśpiavaje — jaje nie isnuje, — kaža vieła błohier Andrej Kuźniečyk. U ludziej niama stymułu jeździć na viełasipiedzie. Voś na aŭtamabili stymuł jość — jaho navat na hazonie zaparkavać možna i na heta zakryjuć vočy. A ź viełatranspartam ciažej. Praviły zabaraniajuć ruchacca pa prajeznaj častcy pry najaŭnaści chodnikaŭ. Adnak kali chodniki jość, ale šyrynioju ŭ paŭmietra? Dakazvaj potym DAI, što ruch pa im niemahčymy. Dyj zimoj chodniki čyściacca pa reštkavym pryncypie: spačatku aŭtadarohi, a potym jany. Ja ŭvieś čas jezdžu ŭ rajonie fabryki „Słodyč“, dyk tam chodniki pačyścili ad śniehu, tolki kali ja napisaŭ zajavu ŭ Minharvykankam».

Ale što treba zrabić, kab nie katacca na rovary, a jeździć na im?

«Pa-pieršaje, treba pryvieści bardziury da budaŭničych normaŭ. Zhodna ź imi, na skryžavańniach z prajeznaj častkaj vyšynia bardziuraŭ nie pavinna pieravyšać 5 santymietraŭ. U dvarach ich nie pavinna być zusim, -kaža Anton Charužy. — Pa-druhoje, treba vieładarožak stvaryć razhalinavanuju sietku. Heta mohuć być jak i vydzielenyja zony chodnikaŭ, tak i adździelenyja raźmietkaj zony prajeznaj častki.

Niadrenna było b pieraniać jeŭrapiejski dośvied i ŭvieści abmiežavańnie chutkaści ŭ horadzie 50 km/h, a na vulicach z adnabakovym rucham — da 30 km/h. Na takija vulicy možna biazbojazna vypuskać i aŭtamabili i rovary, pryčym apošnija ŭ abodvuch kirunkach. Taksama mała mahčymaściaŭ dla zachoŭvańnia viełasipiedaŭ la damoŭ, choć situacyja ź viełaparkoŭkami ŭvieś čas lepšaje. Usio moža być, kali horad budzie rabić zachady».

Na siońnia nie isnuje dakładnaj statystyki kolkaści viełasipiedzistaŭ ŭ Minsku. Ličbu 5 tysiačaŭ aktyŭnych viełaamataraŭ ahučyła ŭ 2010 hodzie Biełaruskaja asacyjacyja ekśpiertaŭ i siurvejraŭ na transparcie. Hetaja arhanizacyja na zamovu DAI raspracavała Kancepcyju zabieśpiačeńnia sistemy viełasipiednaha ruchu ŭ Minsku. Kancepcyja praduhledžvaje stvareńnie 500 kiłamietraŭ biezbarjernych viełašlachoŭ i papularyzacyju viełatranspartu siarod minčukoŭ. Na žal, terminy źjaŭleńnia hetaj «mary viełaamatara» dakładna nie prapisany, a bardziury jak byli vysokimi navat dla piešachodaŭ, takimi zastajucca i ciapier. Biassprečna, prajekt kštałtu City Aist u Minsku, dzie nielha ŭziać rovar u mietro, ci, jak u niekatorych haradach, paviesić jaho na admysłovy bahažnik, prymacavany da aŭtobusa, moh by stać zapatrabavanym u minčukoŭ. Adnak nieabchodnaść złazić ź viełasipieda pierad kožnym bardziurnym kamianiom užo ciapier adbivaje achvotu karystacca jašče nie isnym staličnym «bajkšejrynham».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?