Polski prezident Branisłaŭ Kamaroŭski vykazaŭ dumku, što Uładzimir Pucin «razyhraŭ» Polšču nakont hazapravoda «Jamał-2», piša epravda.com.ua.
«Maju ŭražańnie, što my jak dziaržava byli peŭnym čynam razyhranyja ŭ vyniku miedyjnaj aktyŭnaści prezidenta Rasii», — zajaviŭ Kamaroŭski.
Na jaho dumku, u takich spravach varta być spakojnymi i adkazvać nie emacyjna, a kazać ab svajoj sustrečnaj prapanovie.
Polski lidar adznačyŭ, što situacyja z padpisańniem miemaranduma pryviała da imidžavych strat dla Polščy, ale nie da strataŭ u realnaj palitycy i ekanamičnych rašeńniach.
Jon padkreśliŭ, što hety miemarandum źjaŭlajecca tolki dakumientam ab namierach i nie źjaŭlajecca formaj, jakaja abaviazvaje da niejkich rašeńniaŭ, a tolki da mahčymych šlachoŭ dziejańniaŭ.
Kamaroŭski padkreśliŭ, što situacyja ź miemarandumam pakazała, što ŭ Polščy niama adzinaha centra pryniaćcia palityčnych rašeńniaŭ u śfiery enierhietyki. Pa jaho pierakanańni, u krainie nie chapaje kaardynacyi i abmienu infarmacyjaj pamiž asobnymi ministerstvami.
5 krasavika rasijski «Hazprom» abviaściŭ ab padpisańni z polskim Europolgaz miemaranduma ab uzajemarazumieńni, dakumient praduhledžvaje realizacyju prajekta «Jamał-Jeŭropa-2» praz terytoryju Polščy ŭ kirunku Słavakii i Vienhryi mahutnaściu nie mienš za 15 młrd kub. m hazu ŭ hod.
Adnak premjer-ministr Polščy Tusk admoviŭsia kamientavać padpisańnie miemaranduma z «Hazpromam», zajaviŭšy, što ničoha pra heta nie viedaje.
