Namieśnik staršyni HA «Biełaruskaja asacyjacyja žurnalistaŭ» Andrej Bastuniec raskazaŭ «Našaj Nivie» pra rašeńnie Ašmianskaha rajonnaha sudu: «Taki vynik suda, uvohule sam praces — heta vielmi surjoznaje abmiežavańnie svabody vykazvańnia. Takoje rašeńnie parušaje Kanstytucyju krainy, a taksama mižnarodnyja pahadnieńni ŭ śfiery svabody słova, padpisanyja Biełaruśsiu».
Što čakaje apalny albom, arhanizataraŭ konkursu i ŭładalnikaŭ vydańnia.
Pakul što prysud nie ŭstupiŭ u zakonnuju siłu. U arhanizataraŭ konkursu jość dziesiać dzion na kasacyjnuju skarhu ŭ Hrodzienskim abłasnym sudzie. Paśla ŭstupleńnia prysudu ŭ siłu buduć mahčymyja pradpisanyja sudom dziejańni, to bok źniščeńnie 41 asobnika vydańnia.
Pakul nie zrazumieła, jaki los čakaje asobniki alboma «Pres-fota Biełarusi — 2011», jakija znachodziacca na realizacyi ŭ kniharniach.
Što datyčyć arhanizataraŭ konkursu, to niekatoryja ź ich prysutničali ŭ sudzie ŭ jakaści zacikaŭlenych asob. Kryminalnaj i administracyjnaj adkaznaści jany nie niasuć. Jak i ŭładalniki alboma. Trymać jaho va ŭłasnaj kalekcyi zakon dazvalaje, administracyjnaja adkaznaść niasuć tyja ŭładalniki vydańnia, što zachoŭvajuć jaho z metaj raspaŭsiudu.