Prapanujem tekst zvarotu.
«Darahija siabry!
Sprava Hajdukova – heta sprava kožnaha z nas.
U balšavickija časy strašnaje abvinavačvańnie – «zdrada Radzimie» — kidali ŭ tvar jak raz tym, chto byŭ hatovy za Radzimu addać žyćcio.
Špijanaž, praca na zamiežnyja raźviedki – heta častka toj chłuśni, jakaja pavinna była nie tolki źniščyć čałavieka, ale i zapeckać jaho pamiać.
Tamu zaraz, kali nijakich dokazaŭ viny Andreja nie było pradstaŭlena za 5 miesiacaŭ i jamu pahražaje praciah śledstva i jašče miesiacy, a mahčyma i hady ŭ turmie, nam nieabchodna:
1. Pastavić rubam pierad palitykami, pravaabaroncami i mižnarodnaj supolnaściu pytańnie ab pryznańni Hajdukova palitviaźniem.
2. Arhanizavać Chvalu Salidarnaści, listy, dapamohu siamji, zvaroty, akcyi ŭ padtrymku Andreja Hajdukova.
3. Malicca za vyzvaleńnie Andreja, za źniščeńnie strachu ŭ jakim režym choča trymać Biełaruś praz takija «špijonskija» spravy.
Razam z Božaj dapamohaj — zdolejem!
Vierym! Možam! Pieramožam!
Pavał Sieviaryniec»