Na 15,5% skaraciŭsia ekspart naftapraduktaŭ ź Biełarusi ŭ studzieni—lutym 2013 hoda ŭ paraŭnańni z anałahičnym pieryjadam minułaha hoda, paviedamlaje Biełstat.
U absalutnych ličbach ekspart naftapraduktaŭ skłaŭ 2 młn. 666 ton pa siaredniaj canie 801 dalar ZŠA za tonu (za ahladny pieryjad cana źniziłasia na 4,7%). U krainy dalokaha zamiežža pastaŭki skaracilisia na 23,5% (da 1 młn. 976,5 tys. ton pa 766 dalaraŭ za tonu), u krainy SND — vyraśli na 20,6% (da 689,5 tys. ton pa 904 dalary za tonu).
Ekspart syroj nafty pamienšyŭsia na 3,3% (da 260,4 tys. ton), jaje cana — na 0,3% (da 806 dalaraŭ za tonu).
Impart syroj nafty źniziŭsia na 2% (da 3 młn. 592,4 tys. ton), cana za tonu — na 3,5% (da 426 dalaraŭ). Zafiksavana rezkaje padzieńnie impartu naftapraduktaŭ — na 97,6%, ci ŭ 42 razy (da 45,6 tys. ton), a ich cana pavialičyłasia na 15,9% (da 708 dalaraŭ za tonu).
Pryrodnaha hazu impartavana 4,2 młrd. kubamietraŭ (źnižeńnie na 5,3%) pa siaredniaj canie 164 dalary za 1.000 kubamietraŭ (-2,6%).
Zakupki elektraenierhii ŭzraśli na 29,8% (da 1 młrd. 62,9 młn. kiłavat-hadzin) pa canie 62 dalary za 1.000 kiłavat-hadzinu (-4,2%).
Ekspart kalijnych uhnajeńniaŭ pavialičyŭsia na 56,5% da 604,3 tys. ton, pry hetym ich cana źniziłasia na 16,4% da 632 dalaraŭ za tonu.
