Televizijščyk 1985 hoda naradžeńnia padčas sutačnaha dziažurstva 13 krasavika ŭnios źmieny ŭ płej-list, začyniŭ dźviery aparatnaj, złamaŭšy ŭ zamku kluč, i źbieh. Videa było vystaŭlena na prajhravańnie trojčy, jaho vypusk byŭ spynieny na 12-j chvilinie pakazu.
Ab padrabiaznaściach zatrymańnia videainžyniera BiełMuzTV, jaki pastaviŭ u dzionnym efiry telekanała 13 krasavika pornarolik, raspavioŭ namieśnik načalnika Upraŭleńnia pa narkakantroli i supraćdziejańni handlu ludźmi KM MUS Siarhiej Kołtun.
Padčas ahladu miesca zdareńnia milicyjaj byli kanfiskavanyja sam videazapis, plaška piva i pačak cyharet. Paśla ŭciokaŭ mabilnik videainžynier adklučyŭ. Ale samaje składanaje dla pravaachoŭnikaŭ było nie znajści jaho, a zrazumieć matyŭ jaho ŭčynku. Kiraŭnictva adździeła vypusku charaktaryzavała jaho jak rabotnika dbajnaha,
ale prykładna dva miesiacy tamu jon raźvioŭsia sa svajoj žonkaj i mocna pieražyvaŭ. Hetuju viersiju paćvierdzili i svajaki ŭ Mahilovie.
Miž tym apieratyŭnikam stała viadoma, što małady čałaviek navat vykazvaŭ namier skončyć žyćcio samahubstvam.
Užo 15 krasavika kala hadziny nočy maładoha čałavieka zatrymali ŭ Mahilovie na zdymnaj kvatery pa vulicy Simanava. Pieršymi słovami, jakimi zatrymany rastłumačyŭ svoj učynak, byli: «Mianie ŭsio zadziaŭbło, i tamu ja tak zrabiŭ».
Nahadajem, što ciapier u dačynieńni da videainžyniera zaviedziena kryminalnaja sprava, a telekanału, niahledziačy na prabačeńni pierad telehledačami, Ministerstvam infarmacyi vyniesiena piśmovaje papiaredžańnie(za daviadzieńnie da ŭsieahulnaha viedama infarmacyi, raspaŭsiudžvańnie jakoj abmiežavana abo zabaroniena). Pa zakonie ab ŚMI za dva takija papiaredžańni na praciahu hoda dziejnaść srodki masavaj infarmacyi moža być spynienaja.
Milicyja papiaredžvaje, što tym, chto jašče nie vydaliŭ pornarolik sa svaich akaŭntaŭ u sacyjalnych sietkach, taksama pahražaje kryminalnaja adkaznaść za raspaŭsiud parnahrafii — da čatyroch hadoŭ pazbaŭleńnia voli.
