Ludziej z doma sastarełych ratavali ŭsim haradkom.
Miarkujecca, što ad 5 da 15 čałaviek zahinuli ŭ vyniku pažaru na chimzavodzie ŭ haradku Uest (štat Techas). Piać — heta pažarniki-vałanciory, jakija źjechalisia na likvidacyju ŭzharańnia na pradpryjemstvie, što vyrablaje ŭhnajeńni.Siarod inšaha, razburany dom sastarełych niepadaloku.
Pačatkovyja źviestki, što achviarami mahli stać navat 70 čałaviek, akazalisia mocna pierabolšanymi.
Śviedki raskazvajuć, što spačatku na terytoryi chimičnaha zavoda pačaŭsia pažar. Zahareŭsia reziervuar z suchim amijakam. Na ŭzharańnie nakiravalisia miascovyja družyńniki-ratavalniki. Prykładna praz 5–10 chvilin prahučaŭ mahutny vybuch. Ahoń pierakinuŭsia na susiednija budynki, u tym liku škołu i dom sastarełych.
Pavodle apošnich źviestak, ranieńni atrymali nie mienš za 160 čałaviek, 40 ź ich znachodziacca ŭ ciažkim stanie. Centr akazańnia dapamohi raźmiaścili na miascovym stadyjonie — dalej ad pažaryščaŭ.
Uest — haradok prykładna za 120 km na poŭdzień ad Dałasa. U im žyvie 2800 čałaviek.
U paniadziełak terakt adbyŭsia na inšym kancy Amieryki — u Bostanie, u časie znakamitaha marafonu.
Adnosna pažaru na chimzavodzie kampietentnyja orhany pakul schilajucca da viersii pra avaryju, a nie terakt.
0
0
0
0
0
0
