Alaksandr Buchanoŭski.
Viadomy ekśpiert pa sieryjnych zabojcach Alaksandr Buchanoŭski pamior na 70-m hodzie žyćcia ŭ Rastovie-na-Donie. Śmierć nastupiła ŭ noč na 18 krasavika ŭ adnoj z balnic horada. U jaho byli prablemy z sercam.
Suśvietnuju viadomaść prafiesaru Buchanoŭskamu pryniesła jaho rabota ŭ jakaści ekśpierta pa spravie mańjaka Andreja Čykaciły. U 1984 h. pa prośbie śledčych psichijatr skłaŭ «praśpiektyŭny» psichałahičny partret sieryjnaha zabojcy.
U im Buchanoŭski, u pryvatnaści, vyznačyŭ, što złačyniec nie pakutavaŭ psichozam abo razumovaj adstałaściu. Jon taksama dakładna apisaŭ uzrost, manieru pavodzin mańjaka i psichałahičnyja matyvy zabojstvaŭ.
Paśla paŭtornaha zatrymańnia Čykaciły ŭ 1990 h. Buchanoŭskaha znoŭ zaprasili ŭ jakaści ekśpierta na dopyt zabojcy, jaki admaŭlaŭsia pryznavacca ŭ złačynstvach. Śledstva nie mieła naŭprostavych dokazaŭ suprać Čykaciły, a termin jaho ŭtrymańnia pad vartaj minaŭ. Paśla razmovy z Buchanoŭskim mańjak pryznaŭsia ŭ 56 zabojstvach, choć śledstvu na toj momant było viadoma tolki pra 53 epizody.
Alaksandr Buchanoŭski naradziŭsia ŭ Hroznym ŭ 1944 hodzie. Byŭ doktaram u trecim pakaleńni.
0
0
0
0
0
0