U Minsk pryjedzie znakamity Cirque du Soleil

Try śpiektakli-šou «Allegria» buduć dadadzienyja ŭ «Minsk-Arenie» 26–28 vieraśnia. Cana kvitkoŭ ad 260 tys. da 910 tys. rubloŭ.

Darečy, zaŭtra pačynacca hastroli hetaha cyrku ŭ Vilni, cana kvitkoŭ składaje ad 157 da 407 litaŭ (518 tys. — 1 młn 340 tys. rubloŭ).

Cirque du Soleil (fr. Cyrk Sonca) — jarki pradstaŭnik sučasnaha žanru cyrkavoha mastactva. Kampanija zasnavana ŭ 1984 h. Hi Łalibierte i Danielem Haćje i mieścicca ŭ Manreali (Kanada).

«Cyrk Sonca» naličvaje bolš za 4000 čałaviek (jość siarod ich i biełarusy), jakija pracujuć u roznych hrupach, što dazvalaje kampanii davać śpiektakli ŭ niekalkich kropkach śvietu adnačasova. Vystupaje sa vidoviščnymi śpiektaklami, pastanoŭka jakich ažyćcioŭlena na arenie pad časovym šatrom (šapito), na pastajannaj cyrkavoj arenie, a taksama na teatralnaj scenie. Hadavaja vyručka cyrka pieravyšaje 600 młn dalaraŭ.

Pra Cyrk Sonca kažuć, što jon udychnuŭ novaje žyćcio ŭ cyrkavoje mastactva.

Razam z supierzorkami papularnaj muzyki jon zabaŭlaŭ publiku padčas 74-j cyrymonii ŭručeńnia premii «Oskar», 50-j jubilejnaj cyrymonii «Hremi» i matču Supier Bouł XLI. U 2009 h. u Maskvie hety cyrk adkryvaŭ finał «Jeŭrabačańnia».

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH