«Paśla peŭnych składanaściaŭ nieŭzabavie my znoŭ nakirujem časovaha pavieranaha ŭ spravach kiravać našym pasolstvam u Minsk (Biełaruś). Heta dobra dla kožnaha», — napisaŭ Bilt.
Zakryćcio šviedskaha pasolstva ŭ Minsku źviazana ź niesankcyjanavanym palotam u Biełaruś niekalkich šviedskich hramadzian, jakija praviali akcyju ŭ padtrymku svabody słova ŭ Biełarusi 4 lipienia 2012 h.
1 žniŭnia 2012 h. biełaruskija ŭłady paviedamili Šviecyju pra niepadaŭžeńnie akredytacyi pasłu Stefanu Eryksanu. Dypłamata abvinavacili ŭ destruktyŭnaj dziejnaści. U adkaz na heta šviedskija ŭłady zajavili, što nie prymuć novaha pasła Biełarusi, i rekamiendavali dvum supracoŭnikam pasolstva pakinuć Stakholm.
8 žniŭnia MZS Biełarusi abviaściŭ pra adklikańnie ŭsich supracoŭnikaŭ biełaruskaha pasolstva ŭ Stakholmie. Šviedskamu boku było rekamiendavana pryniać anałahičnyja miery i adklikać usich svaich dypłamataŭ ź Minska.
