Na jaje źbiarucca nie tolki jeŭrapiejskija parłamientary, ale i pradstaŭniki Jeŭrakamisii, dypłamaty, palitołahi. Ad imia biełaruskaj apazicyi dakład pra situacyju ŭ krainie zrobić staršynia Abjadnanaj hramadzianskaj partyi Anatol Labiedźka.

Lidar AHP paviedamiŭ, što kanfierencyja pa madernizacyi Biełarusi — dobraja mažlivaść dasłać viestku jeŭrapiejskim deputatam i čynoŭnikam:

«Ja budu havaryć pra trochkrokavuju stratehiju. Pieršy krok — vyzvaleńnie i reabilitacyja palitviaźniaŭ. Druhi — svabodnyja i sumlennyja vybary. Treci — płan madernizacyi dla Biełarusi.

Asobnym fajłam pojdzie infarmacyja pra zajavu „Namienkłaturnaja pryvatyzacyja jak pahroza ekanamičnamu suvierenitetu Biełarusi“ deputataŭ Viarchoŭnaha Savieta 13 sklikańnia, pryniatuju 15 sakavika hetaha hoda. Dakumient nadzvyčaj važny, jaki zakranaje intaresy ŭsich žycharoŭ Biełarusi. Tamu treba, kab pra heta viedali nie tolki ŭnutry krainy, ale i za jaje miežami».

Lidar Ruchu «Za svabodu» Alaksandr Milinkievič taksama ŭdzielničaje ŭ hetaj imprezie:

«Dla balšyni jeŭrapiejcaŭ, jakija kłapociacca pra niezaležnaść Biełarusi, vidavočna, što adnaŭleńnie dyjałohu vielmi važnaje. Jeŭropa vystupaje za dyjałoh, ale pry hetym nichto nie stavić pad sumnieŭ, što jaho pačatkam musić stać vyzvaleńnie palitviaźniaŭ. Heta navat nie abmiarkoŭvajecca.

Na kanfierencyi budzie abmiarkoŭvacca i płan madernizacyi dla Biełarusi. Niekatoryja staviacca da jaho skieptyčna, niekatoryja jaho chvalać. Asabista ja liču, što heta vielmi važnaja mahčymaść pakazać, jakoj maje być Biełaruś».

Siarod tych, chto pradstaŭlaje Biełaruś u Bruseli ad imia hramadzianskaj supolnaści, — dyrektar Jeŭrapiejskaha centra transfarmacyi Andrej Jahoraŭ. Jon taksama ličyć, što jeŭrapiejski płan madernizacyi vielmi karysny dla Biełarusi:

«Prablema tut u vykarystańni hetaha dakumienta i ŭ tym, chto moža im skarystacca. Na siońniašni čas biełaruskaja dziaržava ŭchilajecca ad kantaktaŭ ź ES. Jana faktyčna nie ŭdzielničaje ŭ dyjałohu pa madernizacyi i značna abmiažoŭvaje patencyjał hetaha instrumientu. Ź inšaha boku, udzieł u hetym palityčnaj apazicyi i hramadzianskaj supolnaści z roznych pryčynaŭ taksama nie vielmi intensiŭny.

I tut treba pamiatać, što Uschodniaje partniorstva i jeŭrapiejski dyjałoh pa madernizacyi — heta adzinaja palityčnaja suviaź Biełarusi ź Jeŭrapiejskim sajuzam jak nadnacyjanalnaj strukturaj, jakaja jadnaje 27 krainaŭ Jeŭropy. I kali jaje parvać, to heta nie paspryjaje raźvićciu Biełarusi ni ŭ karotkačasovaj, ni ŭ doŭhaterminovaj pierśpiektyvie».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?