Andreja i Rusłana my sustreli ŭ centry horada. Pabačyŭšy žurnalistak z kamieraj, jany zachacieli raspavieści štości važnaje. Vyhlad surazmoŭcaŭ navodziŭ na dumku, što pierad nami biazdomniki. Imavierna, paśla
Jak vyśvietliłasia, abodva mužčyny sapraŭdy ŭžo kolki hadoŭ nie majuć stałaha miesca žycharstva. Nočać u prytułku na Vaŭpšasava, 42.A padzialicca jany chacieli pra nabalełaje — biaschatniki skardzilisia na biaspraŭje asobnych supracoŭnikaŭ pravaachoŭnych orhanaŭ.
Adzin ź ich, Rusłan Niabukin, raspavioŭ, što milicyjanier spačatku abakraŭ, a potym źbiŭ jaho.Sprava vyhladała tak: na ŭvachodzie ŭ mietro «Michałova» Rusłana spyniŭ supracoŭnik milicyi dla pravierki dakumientaŭ.
Paśla pravierki z pašparta źnikli 200 tysiač biełaruskich rubloŭ. Na pytańnie, kudy padzielisia hrošy, milicyjanier uśmichnuŭsia i skazaŭ: «Zabudź». Zatym, pa słovach mužčyny, pravaachoŭnik vyvieŭ jaho ź mietro ŭbok vulicy Umanskaj i tam udaryŭ dubinkaj.
Biazdomnik źniaŭ paboi i napisaŭ zajavu ŭ Śledčy kamitet. Ciapier viadziecca razbor.Rusłan Niabukin — invalid
«Niachaj addaść, niachaj addaść!» — usio paŭtaraŭ naš vypadkovy surazmoŭca, spadziejučysia, što zmoža viarnuć svaje hrošy.
Tavaryš Rusłana, Andrej Cichanaŭ, śćviardžaje, što milicyjanty źbili jaho kala Čyrvonaha kaścioła. Dy hetak, što daviałosia vyklikać «chutkuju»:
Raspavioŭšy pra nabalełaje, mužčyna padzialiŭsia dumkami pra žyćcio ŭ krainie:
Słovy biazdomnaha mužčyny supiarečnyja, nie biez samaironii.
Jon skardzicca, što «ŭ nas dla ludziej ničoha nie robicca». Adnak pry hetym žyvie ŭ dziaržaŭnym prytułku na vulicy Vaŭpšasava.Čałaviek, jaki apynuŭsia na sacyjalnym «dnie», śćviardžaje, što «ŭ nas ludzi albo ałkaholiki, albo «niedalokija».
Tak, biaschatniki nie dadajuć kamfortu inšych ludziam, tamu ich nie lubiać. Ale jany taksama ludzi i hramadzianie, tamu humanizm patrabuje, kab i ich skarhi ŭvažliva praviarali, i ich pravy vykonvalisia.
Kolki ŭsiaho ŭ Biełarusi takich ludziej, jak našy vypadkovyja surazmoŭcy?
Pavodle apošniaha pierapisu nasielnictva, biazdomnymi nazvali siabie ŭsiaho 587 biełarusaŭ.Jašče kala 5 tysiač pražyvajuć u «niežyłych pamiaškańniach» i «inšych žyłych pamiaškańniach» (vahonach, trejlerach i da t.p.). A ŭ studzieni hetaha hoda ministr pracy i sacyjalnaj abarony ahučyła inšuju kolkaść biazdomnych: 4 tysiačy čałaviek.
Bolš pa temie: Biazdomnyja: škadavać nielha asudžać (videaapytańnie na vulicach Minska)
* * *
Ci varta vieryć takim skarham biaschatnikaŭ? Vykazvajciesia ŭ kamientach.
