Biełaruś skasavała inviestycyjny dahavor ź litoŭskaj inviesthrupaj Ukio banko investicine grupe (UBIG) ab budaŭnictvie na bazie stadyjona «Traktar» u Minsku šmatfunkcyjanalnaha kompleksu.
Heta praduhledžana ŭkazam prezidenta № 151 ad 4 krasavika, apublikavanym na Nacyjanalnym pravavym internet-partale.

Budaŭnictva šmatfunkcyjanalnaha kompleksu na miescy ciapierašniaha stadyjona «Traktar» nazyvałasia haradskimi čynoŭnikami ŭ liku asabliva značnych inviestprajektaŭ.

Na terytoryi płoščaj bolš jak 30 ha płanavałasia ŭźvieści sučasny futbolny stadyjon, jaki adpaviadaje standartam UEFA, handlova-zabaŭlalny kompleks, dźvie haścinicy, šerah ofisnych budynkaŭ. Prajekt aceńvaŭsia ŭ 250 młn. jeŭra.
Pieršapačatkova jaho płanavałasia realizavać u 2007–2010 hadach, zatym terminy nieadnarazova pieranosili.

Pryčyny skasavańnia Biełaruśsiu inviestycyjnaha dahavora va ŭkazie prezidenta nie nazvany. U 2012 hodzie ŭ niekatorych ŚMI pradstaŭniki litoŭskaj inviesthrupy UBIG skardzilisia na biaździejnaść i biurakratyzm biełaruskich čynoŭnikaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?