Dadatnaje salda zamiežnaha handlu Biełarusi ŭ studzieni-lutym 2013 hoda skłała $191,5 młn, što na 81,6% mienš, čym u studzieni-lutym 2012 hoda. Pra heta paviedamlajecca ŭ statystyčnaj spravazdačy Nacbanka.
Pryčym u lutym dadatnaje salda zamiežnaha handlu tavarami i pasłuhami skaraciłasia z $128 młn da $64 młn u studzieni.
Varta zaznačyć, što Biełaruś taksama spłačvaje ŭ rasijski biudžet prykładna $350 młn naftavych mytaŭ štomiesiac. I dla acenki stanu biahučaha rachunku važnaja ličba z ulikam hetych vypłat. Takim čynam, ahulny deficyt biahučych płaciažoŭ za studzień-luty moh skłaści kala $500 młn. Adnak za hety pieryjad Biełaruś atrymała $440 młn kredytu ad Antykryzisnaha fondu JeŭrAzES, tamu zołatavalutnyja reziervy skaracilisia tolki prykładna na $90 młn.
