Prezident Rasii Uładzimir Pucin zajaviŭ, što jamu było viadoma ab płanavanaj na kirmašy ŭ Hanoviery akcyi pradstaŭnic hrupy «Femien» i jana jamu spadabałasia. A što jany skandavali, jon, maŭlaŭ, nie razabraŭ.
Aktyvistki ruchu Femen raździelisia ŭ prysutnaści Pucina i kanclerki Hiermanii Anhieły Mierkiel na Hanovierskaj vystavie, kali tyja ahladali stend Volkswagen.
Aktyvistki vykrykvali niecenzurnyja łozunhi na anhlijskaj movie. Ich zatrymała achova. Niecenzurnymi nadpisami byli raśpisany i ichnyja cieły.
Na apublikavanych zdymkach vidać, što i Mierkiel, i Pucin zaŭvažyli akcyju. Mierkiel była vyrazna šakavanaja, Pucin uspryniaŭ pierformans z humaram.
