Čyrvonaje miasa škodnaje dla zdaroŭja — akazałasia, udvajnie 20

Daktary daŭno papiaredžvali pra škodnaść čyrvonaha miasa dla zdaroŭja. Nasyčany tłušč i chalesteryn pavyšajuć ryzyku sardečna-sasudzistych zachvorvańniaŭ. Akazałasia, sprava nie tolki ŭ tym. U čyrvonym miasie jość karnityn. Hetaje rečyva dapamahaje dastaŭlać tłustyja kisłoty ŭ kletki, dzie jany słužać krynicaj enierhii. Ale daśledčyki z Kliŭlendskaj kliniki vyśvietlili, što lišni karnityn u straŭnikavym trakcie pieratvarajecca ŭ inšy mietabalit: tak zvany TMAO, jaki vyklikaje ateraskleroz, zvužeńnie sasudaŭ.

Čyrvonaje miasa — heta śvinina, cialacina, jałavičyna, baranina. Daktary rekamiendujuć nie pierabarščyć ź jaho ŭžyvańniem. Kuryca, indyčka ŭtrymlivajuć našmat mienš i chalesterynu, i karnitynu.

Varta zvažać, što karnityn utrymlivajecca nie tolki ŭ čyrvonym miasie. Jaho dadajuć u niekatoryja štučnyja pradukty — naprykład, enierhietyčnyja napoi.

Spažyvańnie čyrvonaha miasa ŭ śviecie padaje z 1970-ch hadoŭ. Dziakujučy hetamu źnižajecca i kolkaść sardečnych zachvorvańniaŭ, jakija peŭny čas byli hałoŭnaj pryčynaj śmierciaŭ.

Varta nahadać, što nie tolki pierabor z chalesterynam niasie pahrozu zdaroŭju. Kureńnie, lišniaja vaha, siadziačy ład žyćcia taksama ŭjaŭlajuć vialikuju pahrozu.

Siarhiej Hiezhała

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH