Vujanavič i Lekič
Dziejučy prezident Čarnahoryi Filip Vujanavič i kandydat ad apazicyi Miadrah Lekič zajavili pra svaju pieramohu na prezidenckich vybarach, jakija zaviaršylisia ŭ krainie ŭ niadzielu.
Pavodle źviestak štaba Vujanaviča, jaki pradstaŭlaje Demakratyčnuju partyju sacyjalistaŭ, jon nabraŭ 51,3% hałasoŭ, a apanient - 48,7%. Lekič, jaki pradstaŭlaje apazicyjny Demakratyčny front, śćviardžaje, što nabraŭ 50,5% suprać 49,5% u Vujanaviča.
Vybarčaja kamisija abviaściła, što paviedamić aficyjnyja vyniki padliku hałasoŭ na praciahu dvuch sutak paśla zakančeńnia hałasavańnia.
Prezident dla 680 tys. nasielnictva Čarnahoryi ŭ asnoŭnym vykonvaje cyrymanijalnyja funkcyi, a asnoŭnaja ŭłada naležyć premjer-ministru. Adnak pieramoha apazicyjaniera Lekiča naniasie ŭdar pa pazicyjach sacyjalistaŭ, jakija znachodziacca va ŭładzie ŭ krainie ŭžo 20 hadoŭ. Akramia taho, asprečvańnie vynikaŭ vybaraŭ moža pryvieści da vuličnych pratestaŭ, što abciažaryć pieramovy ab ustupleńni Čarnahoryi ŭ Jeŭrasajuz.
0
0
0
0
0
0