Kali vy daŭno maryli razhruzić šafu i palicy ad niepatrebnych rečaŭ (asabliva paśla čarhovaha vizitu ŭ
«Kali łaska» — pieršaja ŭ našaj krainie dabračynnaja krama, ci čarycišop,
Hanna Levankova (źleva) i Volha Kačura rychtujucca da adkryćcia kramy. Fota Aksany Rudovič.
Alesia Pčołka, kaardynatar prajekta «Kali łaska».
A tak vyhladała krama ŭ pieršuju hadzinu pracy. Fota Aksany Rudovič.
U «Kali łaska» možna znajści simpatyčnyja tufli za 50 tysiač rubloŭ. Fota Aksany Rudovič.
Stolki ž kaštuje i mužčynski pinžak. Fota Aksany Rudovič.
Aproč adzieńnia prapanujecca hałantareja i knihi. Fota Iryny Arachoŭskaj.
A taksama — staryja viniły. Fota Iryny Arachoŭskaj.
I navat lustranyja fotaaparaty. Fota Iryny Arachoŭskaj.
Jak heta pracuje? Vy addajacie ŭ dar kramie niepatrebnyja rečy — vopratku, knihi, posud (poŭny śpis tut). A stvaralnicy «Kali łaska» — Alesia Pčołka, Hanna Levankova i Volha Kačura — pierabiaruć ich, dezinfiekujuć i pieradaduć dabračynnym arhanizacyjam.
Častka rečaŭ zastaniecca ŭ kramie. Hrošy, atrymanyja ad ich prodažu, pakryjuć vydatki na arendu, padatki, «kamunałku» i ŭ pierśpiektyvie — zarobak pradaŭca.
Pry hetym maksimalnaja cana luboj rečy ŭ kramie nie pieravysić 200 tysiač. U hetym my pierakanalisia na ŭłasnyja vočy: amal novy mužčynski pinžak, tufli na špilkach — usio pa 50 tysiač! Nalataj — raźbiraj. Jak bonus — adčuvańnie, što prynosiš karyść hramadstvu.
Zaraz usia praca viadziecca na vałanciorskich pačatkach. «Dapamahać inšym — heta naturalna», kaža adna z ŭdzielnic prajektu, Hanna Levankova.
Zrazumieła, ciahnuć usiu pracu trom maładym dziaŭčynam niaprosta. Tamu prapanovy z boku patencyjnych vałancioraŭ vitajucca. Asabliva patrebna dapamoha tych, chto moža na aŭto advieści rečy ŭ dziciačyja damy dy inšyja arhanizacyi.
My zavitali ŭ «Kali łaska» dvojčy: za dzień da adkryćcia i ŭ pieršy dzień pracy. Treba skazać, što znajci kramu niaprosta, choć mieścicca jana ŭ samym centry horada (karta tut).
Minuŭšy budku z złym sabakam (praŭda, na zvarotnaj darozie jon užo nie brachaŭ), upirajemsia ŭ pramysłovy budynak. Znachodzim apošni padjezd. Padymajemsia pa leśvicy z abšarpanymi ścienami na druhi pavierch. Jak vyśvietliłasia, «Kali łaska» znachodzicca ŭ tak zvanym «kreatyŭnym kłastary mie100» («Miesca»). Heta, badaj što, rajski kutok dla staličnych chipstaraŭ.
Jak vyhladaje krama ŭnutry i što tut tvaryłasia ŭ pieršyja hadziny pracy, kali jabłyku nie było dzie ŭpaści ad naviednikaŭ, fatohrafaŭ i žurnalistaŭ (u tym liku centralnaha telebačańnia), hladzicie na videa:
Adras kramy «Kali łaska»: h. Minsk, pr. Niezaležnaści, 58 korp.6, 2 pavierch. Sajt — http://kalilaska.org