Maryjan Viendt naviedaŭ mahiłu Alaksandra Silvaški, udzielnika znakamitaj sustrečy sajuźnikaŭ na Elbie.
Alaksandr Silvaška pachavany pad Minskam, na michanavickich mohiłkach.
Maryjan Viendt. Fota www.cdu-torgau.de.
Sustreča sajuźnikaŭ na Elbie 25 krasavika 1945. Źleva -- amierykanski lejtenant Uiljam Robiertsan, sprava — saviecki lejtenant, biełarus Alaksandr Silvaška. Fota «Life».
Małady navukovy supracoŭnik niamieckaha Bundestaha Maryjan Viendt paznajomiŭsia ź biełaruskim vieteranam Alaksandram Silvaškam u časie adnoj z štohadovych uračystaściaŭ, pryśviečanych znakamitaj sustrečy sajuźnikaŭ na Elbie 25 krasavika 1945 hoda.Potym jany sustrakalisia niekalki hadoŭ zapar, Maryjan čakaŭ Silvašku na 60-hodździe sustrečy na Elbie, ale biełaruski vieteran nie dažyŭ da jubileju niekalki miesiacaŭ…
Pa słovach Maryjana, Alaksandr Safronavič, hanarovy hramadzianin horada Torhaŭ, byŭ nadzvyčaj cikavym surazmoŭcam. Jon zaŭsiody havaryŭ adkryta, kazaŭ, što ŭ časie vajny adbyvalisia ciažkija złačynstvy z usich bakoŭ, što na vajnie zaŭsiody jość tyja, chto pakutuje.
«Jon byŭ udziačny za toje, što paśla padzieńnia ściany ciapier tut, u Hiermanii, svaboda, što my možam žyć u miry, siadzieć za stałom u Torhaŭ, pić piva i razmaŭlać.Dla jaho heta było vielmi važna. Ja viedaŭ jaho jak adkrytaha, žyćcieśćviardžalnaha čałavieka. I mianie heta vielmi radavała. Voś tamu ŭ mianie było žadańnie naviedać mahiłu, dzie znajšoŭ spačyn hanarovy hramadzianin Torhaŭ».
U pačatku krasavika 2013 hoda Maryjan pryjechaŭ u Biełaruś i ździejśniŭ dadzienaje sabie abiacańnie — uskłaŭ kvietki na mahiłu Alaksandra Silvaški, pachavanaha pad Minskam na michanavickich mohiłkach.
Heta pieršy vizit maładoha niemca ŭ Biełaruś. Pieršyja ŭražańni ad našaj krainy ŭ jaho ŭ cełym pazityŭnyja. «Skazu ščyra, što heta častkova supraćlehłaje tamu, što ja čytaŭ u niekatorych hazietnych artykułach». Maryjana pryjemna ŭraziła haścinnaść biełarusaŭ, ździviŭ i Minsk — «šyroki i prastorny horad z šmatpałosnymi vulicami i vysotnymi žyłymi damami».
* * *
Alaksandr Silvaška (1922—2010), uradženiec Kleckaha rajona Minskaj vobłaści. Heta jaho, savieckaha lejtenanta, jaki paciskaje ruku amierykanskamu lejtenantu Uiljamu Robiertsanu ŭ časie vojskaŭ sajuźnikaŭ na Elbie 25 krasavika 1945, sfatahrafavaŭ karespandent časopisa «Life».
Maryjan Viendt (Marian Wendt), naradziŭsia u 1985 hodzie ŭ horadzie Torhaŭ na Elbie. Navukovy supracoŭnik u niamieckim Bundestahu.
