U niekatorych rehijonach Biełarusi azimyja mohuć paciarpieć bolš značna, čym u minułyja hady, paviedamiŭ namieśnik ministra sielskaj haspadarki i charčavańnia Vasil Paŭłoŭski 4 krasavika na pres-kanfierencyi ŭ Minsku.

Pavodle papiaredniaha prahnozu, u paŭnočnych rajonach Biełarusi hibiel azimych čakajecca ŭ miežach dapuščalnaha — 6–10%, u paŭdniovych — prykładna na 2% bolš. Adnak, zaznačyŭ namieśnik ministra, umovy nadvorja «vyklikajuć aściarohi». «Kali ŭ minułyja hady ŭ pačatku sakavika śnieh sychodziŭ, to siońnia ćviordaj skarynkaj uščylnieny śnieh lažyć na palach — ad 10 da 30 sm, a ŭ paŭnočnych rajonach — i da 50 sm», — skazaŭ Paŭłoŭski. Pry hetym u paŭdniovych rajonach ziamla «praktyčna nie źmiorzłaja».

Paŭłoŭski nahadaŭ, što ŭ 2010 hodzie, kali hibiel azimych prahnazavałasia ŭ miežach dapuščalnych 6–10%, na 5-7-y dzień viehietacyi vyśvietliłasia, što zahinuła značna bolš pasievaŭ, naprykład da 50% usiaho azimaha rapsu. Daviałosia pierasiavać 245 tys. ha kałasavych i bolš jak 190 tys. ha rapsu.

Sioleta Minsielhascharč taksama hatovy da pierasievu častki azimych. U strachavym fondzie 66 tys. ton nasieńnia, akramia taho, ministerstva viadzie pieramovy ź sielskahaspadarčymi pradpryjemstvami kancerna «Biełdziaržcharčpram», jakija mohuć mieć nieabchodnaje nasieńnie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?