U chodzie rasiejska-biełaruskich vučeńniaŭ «Zachad-2013» nie płanujecca adpracoŭka naniasieńnia previentyŭnych jadziernych udaraŭ. Pra heta zajaviŭ pres-sakratar Ministerstva abarony Biełarusi Uładzimir Makaraŭ, piša BiełaPAN.
Anałahičnaje zajava prahučała i ad vysokapastaŭlenaha pradstaŭnika Hienštaba Rasii, piša «Interfaks».
«Infarmacyja pra toje, što padčas vučeńniaŭ» Zachad-2013 «budzie adpracoŭvacca varyjant previentyŭnaha jadziernaha ŭdaru pa Varšavie — nie bolš čym płod fantazii polskich žurnalistaŭ», — skazaŭ jon.
Tak biełaruskija i rasijskija vajennyja čynoŭniki prakamientavali publikacyju ŭ vydańni Polska Times pra toje, što Biełaruś i Rasija kala polskaj miažy adpracujuć varyjant previentyŭnaha jadziernaha ŭdaru pa Varšavie.
«Ni Rasija, ni Biełaruś nijakaha sakretu z vučeńniaŭ „Zachad-2013“ nie robiać. Ab metach i zadačach hetych manieŭraŭ było abvieščana na samym vysokim uzroŭni», — adznačyŭ pradstaŭnik rasijskaha Hienštaba.