Chans Bredbierh, adzin z advakataŭ Volhi Kłaskoŭskaj, paviedamiŭ padrabiaznaści incydentu, praź jaki žančyna apynułasia ŭ turmie: «Palicyja pryjšła ŭ kvateru, dzie jany žyli razam z mužam. I pabačyła, što jon paranieny nožam. Pavodle palicejskaha rapartu, jość dźvie historyi.
Muž kaža, što jana pryniała ałkahol i leki i napała na jaho, kali jon spaŭ. Volha kaža, što jana ničoha nie pamiataje.
Ciapier jana padazrajecca ŭ sprobie zabojstva. Vy viedajecie, što jany zmahalisia pamiž saboj za dzicia. Dva miesiacy jana dziciaci nie bačyła, paśla jany tydzień žyli razam, i voś takoje zdaryłasia.
Ciapier pravodzicca daśledavańnie jaje psichičnaha i fizičnaha stanu. Vyniki taksikałahičnaj ekśpiertyzy jašče nieviadomyja».
Volhu Kłaskoŭskuju zatrymali 30 sakavika i źmiaścili ŭ šviedskuju turmu pavodle abvinavačańnia ŭ sprobie zabojstva svajho muža.
