Zavadatarami bojki stali 19-hadovy i dvoje 17-hadovych naviednikaŭ bara «Śviet biljarda», rastłumačyŭ namieśnik načalnika Centralnaha (h. Homiel) RASK Alaksandr Baženaŭ.
Troje niećviarozych chłopcaŭ i 17-hadovaja dziaŭčyna viesieła bavili čas u minułuju niadzielu. Ich viečaryna zaciahnułasia hłyboka za poŭnač. Kali jany pakidali bar a 3.30 načy, darosły naviednik zrabiŭ zaŭvahu:čamu maładyja ludzi znachodziacca ŭ piciejnaj ustanovie dy jašče tak pozna? Tyja ahryznulisia, maŭlaŭ, nie treba nami kamandavać. Dla pierakanaŭčaści dadaŭsia ŭdar kułakom u tvar. Paśla apanienty schapili adzin adnaho za vopratku i, nie ŭtrymaŭšy raŭnavahi, upali.
Z dapamohaj pryjaciela małady chłopiec vyzvaliŭsia ad zachopu. Paśla ŭdvaich jany stali źbivać lažačaha mužčynu rukami i nahami.Bili pa roznych častkach cieła, u tym liku pa hałavie.
Da tych, što bilisia, paryvaŭsia padyści 32-hadovy tavaryš paciarpiełaha, ale jaho ŭtrymaŭ adzin z padletkaŭ.
Paśla taho, jak «vychavalnik» zastaŭsia nieruchoma lažać na hanku, małojčyki pieraklučylisia na druhoha mužčynu.Pavalili i stali źbivać jaho. Nie dajučy svaim achviaram padniacca, chłopcy pa čarzie raspraŭlalisia z kožnaj ź ich. Z žorstkaściu i pjanaj bravadaj, adzin z chulihanaŭ nanios mužčynu, jaki lažaŭ na hanku, 7 udaraŭ nahoj pa hałavie. Paśla źniaŭ kurtku paciarpiełaha, dastaŭ ź jaje sotavy telefon i hrošy.
Skončyŭšy razborku, kampanija źjechała na taksi, pakinuŭšy paciarpiełaha lažać na hanku biez prytomnaści.
Usiu bojku zafiksavała kamiera videanazirańnia.
Za padziejami pa manitory naziraŭ administratar zabaŭlalnaj ustanovy. Adnak vyjšaŭ z bara tolki paśla taho, jak pa jaho vykliku pryjechała milicyja.Supracoŭniki pravaachoŭnych orhanaŭ raźminulisia z debašyrami litaralna na paru siekund. Pieraśled mašyny taksi skončyŭsia zatrymańniem usich udzielnikaŭ bojki.
Pa słovach Alaksandra Baženava, u dadzienym vypadku ździŭlajuć žorstkaść i cynizm, ź jakimi dziejničali maładyja ludzi. A taksama pavodziny rabotnikaŭ bara, jakija nie pasprabavali spynić bojku.
Zavadatary bojki znachodziacca pad vartaj. Paciarpiełyja mužčyny z traŭmami roznaj stupieni ciažkaści byli špitalizavanyja. Paśla akazańnia mieddapamohi jany vypisanyja dadomu. U dačynieńni da padazronych raspačataja kryminalnaja sprava.
0
0
0
0
0
0