Bolš važyš — bolš płaci? Što vy dumajecie pra takuju inavacyju? 10

Tradycyjna za bilety my płacim za miesca, niezaležna da taho, kolki važyć čałaviek. Avijakampanija cichaakijanskaj dziaržavy Samoa vyrašyła ŭvieści inšy pryncyp: pay-as-you-weigh — płaci pa vazie.

Avijakampanija abhruntoŭvaje svajo rašeńnie tym, što pry novaj sistemie padliku mnohija pasažyry vyjhrajuć u canie.

«Avijacyjnaja halina sychodziła z taho, što ludzi va ŭsim śviecie važać adnolkava», — tłumačyć menedžar Samoa Air Krys Łanhtan. — Miž tym samaloty ž mohuć nieści tolki vyznačanuju nahruzku, niezaležna ad kolkaści miescaŭ».

Toje, što takoje pytańnie paŭstała ŭpieršyniu na astraŭnoj dziaržavie, nievypadkova. Hienietyčna žychary Palinezii vielmi schilnyja da atłuścieńnia. Žychary Samoa — ich 170 tysiač — zajmajuć 4-je miesca ŭ śviecie pa doli atłuściełych u nasielnictvie. Ich na Samoa 60%. Z raspaŭsiudam cukru na astravach raspaŭsiudziłasia cukroŭka, na jakuju chvareje vialikaja dola nasielnictva.

Na Samoa dva hałoŭnych vostrava. Rascenki na paloty ŭnutry krainy składajuć $0,57 za kiłahram pasažyravahi. Adziny mižnarodny palot kampanija vykonvaje na susiedniuju terytoryju, u Amierykanskaje Samoa. Za hetaje padarožža na adlehłaść 402 km treba zapłacić $1,03 za kiłahram pasažyravahi.

Z našych krajoŭ na tym Samoa i ci byvaŭ chto, ale ž cikava jak precedent. Što vy dumajecie pra takuju inavacyju?

Siarhiej Hiezhała

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH