Letaś u Biełarusi ŭ suviazi sa źmianieńniem svajho połu novyja pašparty atrymali piać čałaviek.Pra heta paviedamlaje ŭpraŭleńnie infarmacyi i suviaziach z hramadskaściu Ministerstva ŭnutranych spraŭ sa spasyłkaj na načalnika biuro pašpartyzacyi nasielnictva MUS Paŭła Maciuka.
Pavodle jaho słoŭ, samaja raspaŭsiudžanaja pryčyna zamieny pašparta — vyjezd za miažu; nie mienš aktualnaj źjaŭlajecca niepryhodnaść dla karystańnia. Čaściej za ŭsio dakumienty «cierpiać» ad svojskich žyvioł, jakija ich hryzuć;ad svavolstva maleńkich dziaciej, a taksama ad samich uładalnikaŭ dakumientaŭ, jakija nieachajna adnosiacca da ich, naprykład, zakidvajučy ich u pralnuju mašynu.
Z 1996 hoda, kali pačałasia vydača i abmien pašpartoŭ sučasnaha ŭzoru, supracoŭnikami biuro pašpartyzacyi nasielnictva MUS padrychtavana i nadrukavana amal 17,5 młn. pašpartoŭ. Aprača taho, da 2013 hoda vypuščana kala paŭmiljona inšych piersanifikavanych dakumientaŭ, takich jak vid na žycharstva i prajazny dla asob biez hramadzianstva z metaj pierasiačeńnia miažy.
Na siońnia ŭ Minsku ŭ siarednim piersanalizujecca bolš jak 17 tysiač pašpartoŭ. Štodzionna ich atrymlivajuć prykładna 850 čałaviek, a štohod — kala 170 tysiač. Praŭda, letaś, jak zaznačyŭ Maciuk, heta ličba dasiahnuła bolš jak 204 tysiačy čałaviek. «Hetamu, vidać, sadziejničała mnostva faktaraŭ, u tym liku demahrafičnyja, mihracyjnyja i pracoŭnyja pracesy», — miarkuje pradstaŭnik MUS.
Pa abjektyŭnych pryčynach u abłaściach Biełarusi vydadziena mienš dakumientaŭ, jakija śviedčać asobu, čym u stalicy. U 2012 hodzie heta ličba varjiravałasia ad 92 tysiač u Mahilovie da 138 tysiač u Breście.
