Źleva naprava: aŭtary daśledavańnia Alaksiej Pikulik, Alena Arciomienka i Dzianis Mieljancoŭ.
70% žycharoŭ Biełarusi dapuskajuć mahčymaść u toj ci inšaj stupieni achviaravać niezaležnaściu na karyść intehracyi z Rasijaj, kali heta budzie treba dla palapšeńnia ekanamičnaha stanovišča.Takija vyniki dało apytańnie, praviedzienaje dla Biełaruskaha instytuta stratehičnych daśledavańniaŭ (BISS). Analityki paraŭnoŭvali intehracyjnyja prychilnaści biełarusaŭ pa stanie na 2013 hod i anałahičnyja źviestki za 2010 hod. «Hieapalityčnyja pieravahi biełarusaŭ: zanadta prahmatyčnaja nacyja?» — pad takim zahałoŭkam byli prezientavany vyniki.
Adnak ličba 70% nasamreč demanstruje dynamiku źmianšeńnia kolkaści prychilnikaŭ intehracyi z Rasijaj, bo ŭ 2010 hodzie anałahičnaje dapuskali 82% respandentaŭ.
Proci 2010 hoda z 30% da 23% skaraciłasia kolkaść achvotnych žyć u sajuzie z Rasijaj. U toj samy čas, heta trochi bolš, čym u 2011 hodzie. Tady takich było tolki 19%.
«Takija vahańni staŭleńnia da Rasii źviazanyja ź niestabilnymi adnosinami Rasii i Biełarusi, bojaźziu pryvatyzacyi biełaruskich aktyvaŭ rasijskim kapitałam, ekanamičnym kryzisam i reakcyjaj na jaho ŭ vyhladzie vysoŭvańnia Rasijaj ekanamičnych patrabavańniaŭ», — prakamientavaŭ ličby daśledčyk BISS Dzianis Mieljancoŭ.
Havoračy pra formu intehracyi z RF, 21,4% vystupajuć ŭsiaho tolki za zonu svabodnaha handlu (takoha dabivajecca, naprykład, Ukraina), 13,2% — za adzinuju ekanamičnuju prastoru biez palityčnaha abjadnańnia, 4,4% — za abjadnańnie ekanomiki, zamiežnaj palityki i vojska i tolki 2,7% vystupajuć za ŭstupleńnie Biełarusi ŭ skład Rasii ŭ jakaści aŭtanomii.
Za try hady na 10,5% — z 20,4% da 30,9% — vyrasła kolkaść tych ludziej, jakija addajuć pieravahu poŭnaj niezaležnaści Biełarusi suprać intehracyi z Rasijaj ci Jeŭrasajuzam. «Takaja pazicyja zusim nie vyklučaje padtrymki isnujučaha siońnia palityčnaha ładu», — zaŭvažyŭ akademičny dyrektar BISS Alaksiej Pikulik.
Kolkaść prychilnikaŭ dałučeńnia da Jeŭrasajuza jak apytamalnaha vybaru nie źmianiłasia ŭ paraŭnańni z 2010 hodam i zastałasia na ŭzroŭni ŭ 17%.Heta značyć, razam prychilniki niezaležnaści i intehracyi ź ES składajuć 48% ad usiaho nasielnictva.
Kali b refierendum pa dałučeńni da ES «adbyŭsia zaŭtra», «za» dałučeńnie prahałasavała b 38,2%, «suprać» — 30,5%.
Adnak niahledziačy pavieličeńnie prahi da niezaležnaści i simpatyj da Jeŭropy, bolšaść biełarusaŭ usio jašče schilajucca ŭ bok Rasii. «Biezumoŭna ŭ sajuzie z Rasijaj» Biełaruś žadajuć bačyć 10,4% žycharoŭ suprać 7,4% prychilnikaŭ biezumoŭnaha ŭstupleńnia ŭ ES.
«Chutčej sajuzu z Rasijaj» addali pieravahu 35,7%, «chutčej za sajuz ź ES» vystupajuć na 15% mienš.
Hałoŭny ž vynik daśledvańnia vyniesieny ŭ jaho nazvu: amal 73% biełarusaŭ ličać, što treba vybirać toj sajuz, jaki palepšyć ekanamičnaje stanovišča krainy. Nastupnaja pa vieličyni hrupa — 10,7% — hałoŭnym faktaram abjadnańnia ličyć umacavańnie biaśpieki, pa 7,3% vybrali varyjanty «budzie spryjać umacavańniu niezaležnaści» i «budzie spryjać umacavańniu demakratyi».
«Jeŭrasajuz moža zrabić dobryja vysnovy z hetaha», — padkreśliŭ Mieljancoŭ. «ES zaŭsiody padavaŭ siabie z kaštoŭnasnaj pierśpiektyvy, a rekłama ekanamičnych aśpiektaŭ moža być bolš plonnaj».
Biełaruskija ŭłady trymajuć hramadstva ŭ stanie infarmacyjnaj izalacyi adnosna jeŭrapiejskich inicyjatyvaŭ. Pra intehracyju z Rasijaj havorycca štodzień, isnujuć navat śpiecyjalnyja tele-, radyjokanały i haziety dla jaje papularyzacyi. U toj ža čas pra «Uschodniaje partniorstva» nie viedajuć 86,2% biełarusaŭ — z 2010 pra prahramu «zabylisia» cełych 8%.
Pra «Jeŭrapiejski dyjałoh ab madernizacyi Biełarusi» nie viedajuć 95% nasielnictva, choć hetaj inicyjatyvie ŭžo spoŭniŭsia hod. Pryčynaj sankcyj ES suprać łukašenkaŭcaŭ 40% nazyvaje «praviadzieńnie Biełaruśsiu niezaležnaj palityki», i tolki 36% — parušeńnie pravoŭ čałavieka.
Isnuje i vialikaja roźnica ŭ acency adnosin z Rasijaj i Jeŭrasajuzam. «Chutčej dobrymi» adnosiny Biełarusi i Rasii ličać 47% respandentaŭ. Adpaviednaja ličba dla ES ŭ razy mienšaja — 12,8%. «Chutčej drennymi» adnosiny