Pra abstaviny zatrymańnia paviedamiła ŭ svaim akaŭncie ŭ fejsbuku hramadskaja aktyvistka Hanna Šapućka:

«Sieńnia padčas malitvy za palitźniavolenych, za Biełaruś zatrymali našaha niazłomnaha maleńkaha ściahanosca Ninu Bahinskuju. Jana padčas našaj śviatočnaj malitvy vysoka ŭźniała bieła-čyrvona-bieły ściah i trymała jaho, pakul supracoŭnik Maskoŭskaha RUUSa, apranuty ŭ cyvilnaje, nie nalacieŭ na spadaryniu Ninu i nie vychapiŭ ściah, złamaŭ vudu.
Spadarynia Nina patrabavała viarnuć jej ściah, u adkaz na heta supracoŭnik Maskoŭskaha RAUSa (viedajem, što zavuć jaho Aleh Viktaravič)
adpichnuŭ jaje i spadarynia Nina upała. Padniaŭšysia, jana pabiehła za supracoŭnikam z patrabavańniem viarnuć jaje ściah i ŭ vyniku apynułasia ŭ milicejskim aŭtobusie.
Paśla pryjechali amapaŭcy. Jany zabrali z hankaŭ pomnika archanioła Michała partrety palitviaźniaŭ. Treba adznačyć, što adzin z supracoŭnikaŭ chadziŭ z rasiejskim šaŭronam na rukavie kurtki. My patrabavali adpuścić spadaryniu Ninu, ale ž, kaniečnie, nas nie pasłuchali, tym bolš, što ŭ aŭtobusie jana nie supakojvałasia i nazyvała ich pasobnikami rasiejskich akupantaŭ i patrabavała viarnuć ściah, my čuli heta, kali prybiehli da busa jaje vyzvalać. U vyniku spadaryniu Ninu pavieźli ŭ Maskoŭski RUUS…»

Nina Bahinskaja sa ściaham la Čyrvonaha kaścioła, 25 sakavika.

Nina Bahinskaja sa ściaham la Čyrvonaha kaścioła, 25 sakavika.

Zatym Hanna Šapućka paviedamiła, što Ninu Bahinskuju adpuścili, skazaŭšy ŭ aŭtorak pryjści ŭ Maskoŭski RAUS pa pašpart i ściah dy advieźli na milicejskim UAZiku na płošču Jakuba Kołasa.

67-hadovajaNina Bahinskaja nieadnarazova vychodziła z bieł-čyrvona-biełym ściaham na centralnyja płoščy Minska i nieadnarazova zatrymlivałasia. Tak, apošni raz jana vychodziła sa ściaham 19 śniežnia 2012 h. na Kastryčnickuju płošču Minsku, u druhija ŭhodki razhonu akcyi pratestu na vyniki vybaraŭ-2010.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?