Jak paviedamili ŭ HUUS Minharvykankama, raniej sudzimy za aŭtamabilnyja kradziažy małady čałaviek, vyzvaliŭšysia ŭ 2012 hodzie ź miescaŭ pazbaŭleńnia voli, vyrašyŭ zaniacca lehalnym aŭtabiźniesam. Ideja była ŭ kupli technična niaspraŭnaha aŭto, jaho ramoncie i nastupnym prodažy.

Tak, minułym letam jon nabyŭ za 2.500 dołaraŭ aŭtamabil «Nisan-Almiera» 1997 hoda vypusku. Adramantavaŭšy i pierafarbavaŭšy jaho, pradaŭ svajmu znajomamu za 3.500 dołaraŭ. A praź niekalki miesiacaŭ u maładoha čałavieka źjaviłasia inšaja ideja.

Vykarystoŭvajučy dublikat klučoŭ, jaki byŭ u jaho, jon vykraŭ raniej pradadzieny «Nisan» z dvara doma pa vulicy Hierojaŭ 120-j dyvizii ŭ Minsku, dzie žyŭ znajomy pakupnik.

Paśla kradziažu aŭtamabil byŭ schavany ŭ Smalavickim rajonie, a zatym złamyśnik adahnaŭ jaho ŭ Viciebsk. Tam małady čałaviek uziaŭ u arendu haraž, dzie razabraŭ vykradzienuju mašynu na zapčastki i pačaŭ ich rasprodaž. Padčas praviadzieńnia apieratyŭna-vyšukovych mierapryjemstvaŭ opierupaŭnavažanymi adździeła kryminalnaha vyšuku Pieršamajskaha RUUS Minska asoba padazronaha ŭ kradziažy aŭto była ŭstanoŭlenaja, paśla čaho jaho zatrymali.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?