Pavodle źviestak Ministerstva ŭnutranych spraŭ Biełarusi, u Minsku 24 sakavika ŭ sankcyjanavanaj harvykankamam akcyi z nahody 95-j hadaviny abviaščeńnia niezaležnaści Biełaruskaj Narodnaj Respubliki ŭdzielničała nie bolš jak 500 čałaviek.

«Mierapryjemstva prajšło ŭ adpaviednaści z zaćvierdžanym farmatam. Kolkaść udzielnikaŭ nie pieravysiła 500 čałaviek. Pravaachoŭnymi orhanami zabiaśpiečany naležny ŭzrovień hramadskaha paradku, što dazvoliła nie dapuścić učynieńnia złačynstvaŭ i pravaparušeńniaŭ. Zatrymańniaŭ padčas šeścia i mitynhu nie zarehistravana», — havorycca ŭ paviedamleńni MUS.

Varta adznačyć, što, pavodle źviestak pravaabaroncaŭ, paśla akcyi byli zatrymany vosiem čałaviek, u tym liku troje hramadzian Ukrainy, adzin ź jakich niepaŭnaletni.

U minułym hodzie HUUS Minharvykankama zajaŭlaŭ, što kolkaść udzielnikaŭ šeścia «skłała kala 200 čałaviek». Takim čynam, pavodle acenak łukašenkaŭcaŭ, ličba demanstrantaŭ vyrasła ŭ 2,5 razu. Ci možna ich acenkam daviarać? Dla paraŭnańnia: kolkaść udzielnikaŭ Płoščy ŭ 2010-m jany aceńvali ŭ niekalki tysiač čałaviek.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?